Pilersuisoq pisortamik nutaamik atorfinitsitsivoq
Pilersuisumi pisortatut atorfik inuttaaruppoq, pisortaasimasoq ukioq manna toqukkut qimagummat, maannalu pisortassamik nutaamik atorfinitsitsisoqarpoq.
48-nik ukiulik Brian Weuge Chemnitz Pilersuisumi pisortatut atorfinitsinneqarpoq.
KNI tusagassiorfinnut nalunaaruteqarnermi ilisimatitsivoq.
Brian Weuge Chemnitz juunip aallaqqaataani atorfittaamini sulilerpoq, nalunaarummi allassimavoq.
- Brian Weuge Chemnitz qinerparput, atorfiup imarisaanut unammilligassartaanullu piukkunnarnerpaanik piginnaaneqarmat, misilittagaqarmat, sakkussaqarmat. Inuianuiaqatigiinnut kalaallinut paasisimasaqarnera ataqqinninneralu nalilersuinitsinni pingaarutilimmik isumaqartissimavagut. Pilersuisoq maannamut killiffianit suli ineriartorteqqissavarput, KNI A/S-imi pisortaaneq Peter Grønvold Samuelsen tusagassiorfinnut nalunaaruteqarnermi oqarpoq.
Misilittagartooq
Pisortaq nutaaq Nunatsinni pisiniarfinnik ingerlatsinermi ukiut 20-t sinnerlugit misilittagaqarpoq. Ukiup aaffaa avillugu KNI A/S-imi indkøbschefitut atorfeqarpoq, Nunatsinnilu illoqarfinni arlalinni Pisiffimmi Brugsen-milu assigiinngitsunik atorfeqartarsimalluni.
Pisortatut atorfik inuttaarupoq, pisortaq Niels Andersen februaarimi toqukkut qimagummat.