Pilersaarut: Ilinniartut naammassiaarnerusalissapput

Akademikarisut piffissaq ilinniarfiusoq agguaqatigiisillugulu ukiorisaat malunnaatilimmik appartinneqassapput

Grønlands første naturvidenskabelige uddannelse og Grønlands Center for Sundhedsforskning

Ulloq 3. september ilinniartut nutaat ilisimatusarfimmi aallartissapput, politikerillu oqariartuutaat ersarippoq: Sukataarlusi ilinniakkamik naammassisaqaritsi.

Anguniagaq anguniagartooq

Naalakkersuisut “Ilinniartitaanermut Pilersaarutaat II – 2018” Ilinniartitaanermut Naalakkersuisoqarfimmit saqqummiunneqaqqammersumi taama allassimavoq. Pilersaarummi 2024-p tungaanut ingerlanneqartumik ilinniarfiit arlalinnik anguniagartuumik anguniagaqarfigalugit taakkartuisoqarpoq.

Ukioq kingulleq kandidatinngortut agguaqatigiisillugu 39-nik ukioqarput. 2024-milu ukiunik sisamanik appartinneqarnissaa anguniagaavoq.

Ullumikkut bacheloritut naammassisartut agguaqatigiisillugu 29-nik ukioqarput, ilinniartitaanermullu pilersaarummi anguniagaq anguneqassappat ukiunik pingasunik appartinneqassaaq.

Piffissaliussaq

Ajornartorsiut alla tassaavoq, akademikarinngorniat sivisuallaamik ilinniagaqartarnerat.

Inuusuttut ilisimatusarfimmi ilinniagaqalertussat ukioq kingulleq kandidatitut naammassisimasuniit ilinniakkamik naammassiaarnerusassapput.

2017-imi kandidatinngorniat tamarmik piffissaq ilinniagaqarfiusoq, nalinginnaasumik sivisussusiusussatut aalajangikkap qaavatigut qaammatini 30,6-ini ilinniarsimapput. Kisitsit 2024-p tungaanut qaammatinik arfineq pingasunik appartinneqassaaq.

Akissuteqanngitsoq

Tamanna qanoq anguneqassanersoq ilinniartitaanermut pilersaarummi akissutigineqanngilaq, aallunneqartussatulli taaneqarput:

  • Qaffasinnerusumik ilinniartitaanernik pitsaassusilersuineq
  • Qaffasinnerusumik ilinniartitaanernut inatsisiliorneq nutaaq
  • ARTEK Visioni 125-i
  • Pinngortitamut tunngasumik ilisimatusarnermut Qitiusumik ingerlatsivik
  • Isumaginninnermut suliassaqarfimmi ilinniartitaanertigut suliniutit
Powered by Labrador CMS