Pikialaartitsineq: Timi aalatinneqassaaq
Kalaallit Nunaanni Timersoqatigiit Kattuffiat timimik aalatitsineq kalaallillu timimik atuinermik kulturiat qitiutillugit pikialaartitsissaaq
Pikialaartitsinissap, Nuummi ingerlanneqartussap, anguniagaanut kattuffiup anguniagaa ersarippoq: Innuttaasut amerlanerusut timitik aalatinnerusariaqarpaat.
Pikialaartitsineq aqqutigalugu Kalaallit Nunaanni Timersoqatigiit Kattuffiata (GIF-ip), ingerlanneqartumi tunuliaqutaasussap, siammasissumik timimik atuiumalernissaq aallartinniarpaa. Aaqqissuussaq ‘Qilusa’-mik taaguuteqartinneqarpoq.
- Ingerlanneqartut aalanermillu misigisat assigiinngitsorpassuit ingerlatissallugit, sumiiffiusuni suleqataarusuttut avataaniillu tikisinneqartut suleqatigalugit, taamallu takutikkumaneqarluni kalaallit timimik atuinermik kulturiat, Timersoqatigiiffiit Kattuffiat tusagassiutinut nalunaarummi allapput.
Isumassarsiassat nutaat
Taartumi pisuttuarneq, atuarnerup kingorna yogarneq, golfbowling, utoqqasaanik pinnguartitsineq, vertikal dans /nivingalluni qitinneq aammalu assammik arsarluni timigissarneq, tassaapput pisussani qilanaartutissatut taaneqarsinnaasut ilaat.
- Timimik atuinerit saniatigut saqqummiinerit ingerlanneqassapput, workshopertoqarluni filmertitsisoqarlunilu. Tassa kikkunnut aalanerulerumasunut isumassarsiassarpassuit pissarsiassaassapput, apeqqutaatinnagu ingerlassinnaasat sunngiffimmi imaluniit ulluinnarni suliffiup ingerlanerani ingerlanneqarsinnaa-nersut, Christina Tønder Bell, Pisussami GIF-ip ataani siunnersortaasoq pikialaartitsinermillu aaqqissuisut ilagisaat, oqarpoq.
Nutaamik eqqarsalersitsisussaq
Pikialaartitsineq GIF-ip 2020-imiit 2023-imut periusissiaanik aallartitsineruvoq aallaavigalugu anguniagaq, tassalu 2030-imi tassaalissasugut nunarsuarmi tamani timimik aalatitsinerpaaq.
Pikialaartitsinerit nunatsinni sumiiffinni 20-it missaanni ingerlanneqassapput sapaatillu akunnerup ingerlanerani ingerlanneqassallutik sammisaqartitsinerit assigiinngitsut 80-init amerlanerusut, akornanni issallutik nutaaliornerit allatullu ingerlatseriaatsit.
- Meeqqammi, inuusuttut, inersimasut, utoqqaat, ilaqutariit, suliffeqarfiit peqatigiiffiillu sammisassaqartinneqassapput. Tassanilu timinnik atuisooreersut imaluunniit atuisuulerumasut timimik atuinikkut nuannaarutissaminnik pissarsitinneqassapput. Pikialaartitsinerlu naggaserlugu unnussiuaartoqassaaq, timersorneq namminnerlu kajumissutsiminnik suleqataasut nersorniarlugit. Naggataarnersiornissap saniatigut, pikialaartitsinermi ingerlanneqartut tamarmik tamanut akeqanngitsumik ingerlanneqassapput, Christina Tønder Bell oqarpoq.
Pikialaartitsineq novembarip qulinganit 16-iat ilanngullugu ingerlanneqassaaq.
Qilusa pillugu paasissutissat pisussatullu pilersaarutaasut uani takuneqarsinnaapput
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...