Skip to main content

Piitsuuneq Tunumi atugaaneruvoq

Innuttaasunik misissuinermi nutaatut apeqqutigineqarpoq angerlarsimaffimmi nerisassanik amigaateqartoqartarnersoq. Akissutit takutippaat Tunumi Kitaanilu assigiinngissuteqartorujussuusoq

Canadami inuit nunallu inuiinik innuttaasunik misissuisarnerni ukiorpassuarni nerisassaqartarneq apeqqutigineqartarsimavoq. Canadamiut misissuinerminni apeqqutigisarsimavaat angerlarsimaffimmi naammattunik nerisassaqarneq imaluunniit naamik. Kalaallit Nunaanni tamanna aatsaat 2014-imi misissuinermi apeqqutigineqarsimavoq.

Akissutit soqutiginartut

– Canadami ilisimatuut nerisassanik isumannaatsuuneq pingaartittorujussuusarpaat, innuttaasuni inuit nunallu inuiisa peqqissusaannik misissuigaangamik. Tamanna 2014-imi misissuinitsinni ilanngussimavarput, isumalioratta Canadamiut isumaqarpata taama soqutiginartigisoq, taava uaguttaaq takoriartigu tamanna uagutsinnut soqutiginarnersoq. Takuarpullumi ilumut soqutiginartuusoq, Statens Institut for Folkesundhedimi professori Peter Bjerregaard oqarpoq.

Assigiinngissuteqaqisut

Misissuinerup takutippaa pingaartumik Tunumi nerisassanik amigaateqartoqartartoq, aammalu pujortartartut pujortarnerlu ajortut assigiinngissuteqartorujussuusut.

– Pujortartartut pujortarnerlu ajortut taama assigiinngissuteqartigimmata tamanna imatut paasineqarsinnaavoq, pujortartartut aningaasat siullerpaamik sikaritsinut atortaraat, aningaasallu sinneqarpata taakkua nerisassanut atorneqarsinnaallutik, Peter Bjerregaard oqarpoq.

Tunumi Kitaanilu inuuniarnermi atugassarisat assigiinngissuteqarnerat Sermitsiaq normu 42-mi annertunerusumik atuaruk. Aviisi piniarfimmi imaluunniit allaaserisap naqqani linki toorlugu pisiarisinnaavat.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER