rubinit
Piiaaffimmi sulisut aallartissinnaangajalerput
True North Gemsip LNS peqatigalugu piffissami sivikitsumi piiaaffimmi sanaartugassat tunngaviusut ingerlassimavai
Septembarip 17-ianni ukioq ataaseq qaangiuppoq True North Gems namminersorlutik oqartussanik isumaqatigiissuteqarmat Aappaluttumi, Nuummit 160 kilometerinik kujasitsigisumiittumi, piiaaffiup aallartinnissaanik isumaqatigiissuteqarmat. Tamatuma kingorna suut tamarmik sukkasuumik ingerlapput.
Umiarsualiviugallartumik, aqqusinernik imaluunniit qamutinik assakaasulinnik ingerlaffissanik, helistopimik tammaarsimaffimmillu nutaamik sanasoqarsimavoq.
Atortulersuineq aallartippoq
Sannavik matuneqarsimavoq atortulersuinerlu aallartinneqarpoq.
Tunisassiassanik piareersaaviup toqqavissaa sananeqareerpoq naatsorsuutigineqarporlu illu ukiortinnagu matuneqassasoq ingerlatsinissamullu piareerluni. Tamatuma saniatigut innaallagissiorfiliortoqassaaq.
Piiaaffimmik aallaaserisaq Sermitsiaq normu 42-mi atuaruk. Aviisi pisiniarfimmi imaluunniit allaaserisap naqqani linki toorlugu pisiarisinnaavat.