Skip to main content

Piiaaffik milliardilinnik akilik aallartilerunarpoq

Kalaallit Nunaata avannarpasinnersaanit 100 kilometeriinnarnik kujasissusilimmi Citronen Fjordimi zinkimik piiaafferujussuaq ilimanarsigaluttuinnarpoq. Selskabi taassuminnga ingerlatsivoq 2006-imiilli sulisimavoq, piiaaffimmillu atuinissamaut qinnuteqaat tunniuteqqammerpaa.

London Miningip Nuup eqqaani saviminissamik suliniussua maangaannarpasilersoq, piiaaffimmik suliniut alla taamatut angitigingajattoq ilimanarsigaluttuinnarpoq.

2011-mi savimerngit akii qaffasinnerpaariarlutik appariapiloorsimasut, zinkip akia ukiut aappaata affaani kingullermi qaffakkiartorsimavoq, ukiunilu aggersuni akitsorujussuarsinnaalluni.

Tamanna pissutigalugu selskabi Ironbark, 2006-imiilli suliniutip ineriartortinneqarneranut manna tikillugu 250 millioner koruuninik aningaasaliissuteqarsimasoq, aatsitassanut oqartussanut atuinissamik qinnuteqaammik tunniussivoq.

Taamaasiorporlu piiaaffissaq tikikkuminaatsorujussuugaluartoq. Tassami nunarsuarmi nunap immikkoortuata avannarlersaanit, Kap Morris Jesup-imit kujammut kangimut 100 kilometeringajannik ungasissuseqarpoq, qeqertaasami Peary Landimi, kangerlummi Citronen Fjordimi.

– Suliniut nunarsuarmi zinkimik tunisassiornermi pingaaruteqalersinnaavoq - zinkilu savimerngit nunarsuarmi atorneqarnerpaat tallimassaraat. Zinkip akia qullariarlunilu appariartarsimavoq, maannalu savimernit allarpassuit qaangersimallugit, tamannalu peqatigalugu nunarsuarmi zinkimik piiaaffiit annersaasa ilaat matoorarlutik, nunarsuarmilu zinkimik atuineq ukiumiit ukiumut annertusiartorpoq. Citronen-imi zinkeqarfeqarpoq nunarsuarmi piiarneqanngitsut annersaasa ilaannik, Ironbark Zink Limited-ip pisortaa Jonathan Downes oqarpoq.

Ironbark-ip qularinngivillugu oqaatigaa qularutiginagu Kalaallit Nunaanni suliniutit annersaat ingerlatilissallugu, piiaaffiup sananeqarnera 2,7 milliarder koruuninik akeqassagaluartoq, aammalu ukiuni 14-ini atuunnerani ineriartortinneqarnera saniatigut 3 milliarder koruuninik akeqassagaluartoq.

Oqaluttuaq tupaallannartoq tamaat AG-mi sapaatip akunnerani saqqummersumi atuaruk.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER