inissiat
Piginneqatigiilluni initaarnissaq nuannarineqaqqilersoq
Sanaartornermut suliffeqarfik Larsen & Co. Nuummi angallataatillit inissiiviata Iggiaata eqqaani imarsiortorpalaartumik sanaartorniarpoq
Ukiuni arlalissuarni pisoqarfiunngeriarluni namminerisamik inissialiorneq soqutigineqareersorlu piginneqatigiilluni inissialiorneq nuannarineqaqqilersimavoq.
Sermitsiaq taama allappoq.
Nuummi Qinngutsinni inissiamik pigiligassamik pisineq nalinginnaasumik 2,2 aamma 2,5 million koruunit akornanni akeqartarpoq, inissianillu taamaattunik pisisinnaasut naammatsereersimapput. Pisisinnaasut nutaat tassaasut aappariit inuusukaat marlunnik akunnattunik isertitaqartut inissianik akikinnerusunik piumasaqarput appasinnerusumik akiliinertalimmik. Tamannalu piginneqatigiilluni inissiap soqutigineqaqqilerneranik pilersitsivoq.
Taamaattumik Nuummi illoqarfiup immikkoortuani Nuussuarmi sanaartornermut suliffeqarfik Larsen & Co. imasiortorpalaartunik pilersitsiniarpoq, taannalu talittarfiup nutaap qanittuani Iggiaani angallataatillit inissiiviata qeqqaniissaaq naluttarfiup Maliup umiarsuarnullu imarpikkoortunut talittarfimmut aqqutip nutaap akornanniissalluni.
Suliniut pillugu Sermitsiami paasisaqarnerugit, taanna uani linki ataaniittoq atorlugu pisiarineqarsinnaavoq: