Nunaminerals ajornartorsiortoq
Piginneqataasut 3.000-t sapaatip akunneri marlussuit pissangagallassapput
Tuluit selskbiata Greenlad Mining Managementip Nunaminerals pigilerpaa - qanoq pisoqassanersoq januaarip 5-anni qulaajarneqassaaq
– Taava piginneqatigiissutikka tamaasa annaassavakka, aatsitassanik ujaasinermik selskabip NunaMinerals A/S-ip pingasunngornermi novembarip 18-ianni Nuummi ataatsimeersuarnerani annikitsumik piginneqataasut ilaat aperivoq.
– Naammik, piginneqatigiissutivit nalingi tallimararterutaanut annikillisinneqassapput, tuluit selskabianni Greenland Mining Managementimi pisortaq Patrick Newman akivoq, taassumalu ataatsimeersuarnermi NunaMineralsip annaanniarnissaanut pilersaarut saqqummiupp.
Piginneqatassut ajortoq ajuvissorluunniit toqqagassarisimavaat.
Annaasarpassuit
Piginneqataasut akuerisinnaavaat piginneqataassummik nalingisa tallimararterutaannanngornissaat, annertunerpaamik piginneqataalersoq nutaaq Greenland Mining Management periarfissikkumallugu, imaluunniit pilersaarut itigartissinnaavaat, taavali NunaMinerals akiliisinnaajunnaassaaq.
Toqqagassaraat piginneqataassummik 80 procentiisa imaluunniit tamaviisa annaanissaat.
Ataatsimeersuartut oqallinnertaqanngitsumik annertunerpaamik piginneqartaalersoq nutaaq periarfissinniarlugu akueraat.
Piumasaqaatit arlallit
Tamannali pissutigalugu NunaMinerals suli annaanneqanngilaq.
Aatsitassanik ujaasinermik selskabip ingerlaqqinnissaa qulakkeerniarlugu Greenland Mining Management marlunngornermi januaarip 5-annut piffissaliilluni piumasaqaatinik arlalinnik piumasaqarpoq, kikkut tamarmik malitassaannik.
Oqaluttuaq tamaat Sermitsiami nutaami atuaruk, taannalu pisiarisinnaavat uani: