Skip to main content

Piginneqataassutit tamanut paasiuminartut

Grønlandsbankenimi ilinniartut aningaaseriviup piginneqataassutinik unammisitsinera oqaluttuariartorlugu ilinniarfinnut pulaaqattaarput

Inuit amerlanerpaartaannut assersuutigalugu GU-mi ataatsimut katersuutsitsinermi ilinniartunut 400-nut oqalugiarneq ulluinnarsiutaanngilaq.

Tamannali Grønlandsbankenimi ilinniartuugaanni suliassanut ilaavoq. 

Aningaaserivimmi ilinniartut sapaatip-akunnerisa kingulliit marlussuit ingerlaneranni ilinniarfinnut assigiinngitsunut pulaaqattaarput piginneqataassutinik unammisitsineq AktieTips ussassaarutigiartorlugu.

Unammisitsineq marsip 2-ani aallartippoq. Grønlandsbankenillu inuit ilinniagaqartut unammisitsinermut soqutiginnilersinnissaat ukioq manna immikkut pingaartippaa.

Aningaaserivimmit akissarsiassaritinneqartunit 25.000 koruuniusunit 17.000 koruunit atuaqatigiinnut ilinniartoqatigiinnulluunniit ingerlalluarnerpaanut akissarsiassat siullersaattut, tulliattut pingajuattullu akissarsiaritinneqassapput.
Inuusuttullu sapinngisamik amerlasuut peqataatikkumallugit Grønlandsbankenip ilinniartuutini nittarsaassiartortillugit aallartippai.

Ilinniartut taamaalillutik unammisitsinermut ussassaarutini peqataapput, tamatumalu saniatigut Nuummi, Qaqortumi, Sisimiuni Maniitsumilu ilinniarfinni 15-init amerlanerusoriarlutik saqqummiussisimallutik.

- Assersuutigalugu Nuummi GU-mi inunnut ataatsikkut 400-nut oqalugiassagaanni pissanganalaarsinnaavoq. Inunnit taama amerlatigisunit isigineqarneq pissutigalugu uummatip tillernera sukkatsiallalaarsinnaavoq itummatillu isugutsersinnaallutik. Kisianni saqqummiussineq naammassereerlugulu nuannerluinnartumik misigisaasarpoq, Julius Egede Petersen Jakobsen, aningaaserivimmi ilinniartut sungiusaammillu sulisut katillugit qulingiluaasut ilaat, oqaluttuarpoq.
 
Nalinginnaasumik ilisimasassat
Aningaaserivimmi ilinniartut saqqummiussineranni unammisitsinermi malittarisassat tigussaasut unammisitsinermilu ingerlatseqatigiiffiit 13-it pillugit ilisimasassanik inuusuttut qanoq iliorlutik pitsaanerpaamik pissarsiniarsinnaanerat taamaalillutillu ingerlatseqatigiiffiit sorliit piginneqataassutaasa qanoq ineriartornissaannik eqqoriaalluarsinnaalernissaat oqaluttuarineqartarput.

Tamatumali saniatigut ilinniartut pulaarneranni tusarnaariat aningaasaliissutit pillugit ilisimasaat nalinginnaasut aamma annerulersinneqartarput.

- Saqqummiussinitsinni piginneqataassutit suunerat soorunami aamma iserfigisarparput. Aamma piginneqataassutit nalingisa qaffattarnerannut appartarnerannulluunniit pissutaasartut assigiinngitsut arlalissuit aningaasarsiornikkut tunngaviusumik paasisaqarfigineqarnissaannik tunniusseqataasarpugut.

Atortussiassaq soorlu sølvi naleqarneruleraangat assersuutigalugu pinnersaasiorneq akisunerulersarpoq. Tamannalu ingerlatseqatigiiffimmut Pandoratut ittumut, AktieTipsimi suliffeqarfinnut ilaasumut, sunniuteqartarpoq. Piginneqataassutinik niuerfiit sooq tassanngaannaq arlaannut sammivilimmik qisuariartarnerat paasisinnaassagaanni pisartut tamakkua ilisimasanissaat pitsaasuuvoq, Jacob Munkesø, Grønlandsbankenimi sungiusaammik sulisoq aktiespilimillu nittarsaasseqataasoq, oqarpoq.

Ilinniartut oqaluuserisaminnik ilisimasaqarluarnertik uppernarsareersimavaat.
Unammisitsineq ataasinngornermi marsip 2-ani ammarmat Grønlandsbankenimi Sermitsiaq.AG-milu ilinniartut unammisitsinermi normu 3-tut toqqaannartumik inissipput. Unammisitsinermut maannamut eqquiniaasartut 230-t missaanniittut atuaqatigiiaallu 15-it peqataapput.

Ataasiakkaarlutik unammeqataasut, piginneqataassutinik angerlarsimaffimmit nalilersuisartut amerlanerpaartarisaat, pisarneq malillugu aamma akissarsiassaqarput. Taakkununnga eqqugassat siullersaat 5.000 koruuniuvoq, tullia 2.500 koruuniulluni pingajuallu 1.000 koruuniulluni. Unammisitsineq marsip 27-ani naassaaq.

Grønlandsbankenimi sullitaaneq sullitaannginnerluunniit apeqqutaatinnagit unammisitsinermut peqataaneq akeqanngilaq. Unammisitsineq aallartereeraluartorluunniit suli peqataasinnaavutit. Sermitsiaq pisarneq malillugu unammisitsinermut suleqataavoq. Unammisitsinermut malittarisassat uani atuarsinnaavatit: www.aktietips.gl.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER