Skip to main content

Piffik takornariaqarfik Nuummi aallartinnerliorpoq

Umiarsuarnut takornariartaatinut ilaasut illoqarfiit pingaarnersaannut tikittut ukiunut siuliinut sanilliullugit ukioq manna affai inorpai

Piffik umiarsuit takornariartaatit tikittarfiat maanna aamma Nuummi aallartippoq.
Tamanna pivoq pingasunngormat, Hurtigruten-ip umiarsuaa ´Fram´ 180-it missaannik ilaasoqarluni illoqarfimmut tikimmat.
cruisegreenland.gl-imi tikittussat allattorsimaffiat malillugu ukioq manna umiarsuit takornariartaatit 18-it, 6.000-t missarpiaannik ilaasullit, Nuummut tikinniarlutik nalunaarsimapput. Takornariat umiarsuarnut takornariartaatinut ilaasut ukiunut siuliinut sanilliullugit affai inorlugit amerlassuseqassapput.
Atuaruk "Ukioq manna umiarsuaq takornariartaat siulleq Qaqortumut tikippoq"
cruisegreenland.gl naapertorlugu ukioq manna aamma umiarsuarnik angivissorsuarnik tikittoqassanngilaq. Umiarsuaq anginerpaaq septembarip 12-anni Nuummut tikittussaq tassaavoq "M/S Albatros", 800-t missaannik ilaasulik.
Angalanermut pilersaarut malillugu Fram ingerlaqqissaaq Sisimiunut, Ilulissanut, Itillimullu Kangerlussuarmullu naggataarluni. Tamatuma kingorna umiarsuaq nutaanik ilaasoqarluni Uummannaliassaaq.
Umiarsuaq ataasinngormat Qaqortumut tikippoq, Nunatsinni illoqarfiit tikitami siullersaannut.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER