Skip to main content

Piffiit nutaat aallartiffiat

Sorsunnersuup Kingulliup taamaatinneranit ukioq manna ukiut 75-it qaangiupput. Ukiuni tallimani nazistinut sorsunneq naammassivoq. Sorsunnersuup nalaani Kalaallit Nunaat aamma silarsuarmut nutaamut ammaakkiartuaarneqalerpoq. Angalaneq nutaaq aallartippoq. Kisianni Kalaallit Nunaanni Sorsunnersuup Kingulliup nalaani nunaqarluni qanoq issimava, tamannalu siunissaq eqqarsaatigalugu qanoq kinguneqarsimava? Tamanna AG-p piffissami aggersumi allaaserisat arlallit, sapaatip-akunneri tamaasa piffissaq taanna pillugu paasisimasaqalersitsisussat, aqqutigalugit samminiarpaa. Inuttut oqaluttuat pisimasunillu oqaluttuat, oqaluttuarisaanermik nipitaliisut. 

Sorsunnersuaq Kingulleq aallartimmat Danmarkimillu attaveqarneq kipitinneqarmat Kalaallit Nunaat qujanartumik ujariatsinanilu naalliuutinut asattuunneqarpoq. Sorsunnersuarli kingulleq allatigut sunniuteqarpoq. Sorsunnerup nalaani Kalaallit Nunaat nunanut allanut attaveqalerpoq. Ukiuni untritilikkuutaani siullermeertumik Kalaallit Nunaat nunasiaatitut mattussimajunnaarpoq, aviiisi AG allappoq.

Kalaallit Nunaat sorsunnersuup kingulliup nalaani iligiit USA-miit Tuluit Nunaannut timmisartukkut assartuussineranni akunniffiusimavoq pingaarutilik. Kujataani Ivittuuni orsigiassiorfimmit orsugiak immikkut pingaaruteqalerpoq, iligiit timmisartuisa sorsuutit aluminiumik tunisassiarineranni pisariaqarmat. Aamma Siriusikkut 1942-mi pilersinneqarput.

USA-p Canadallu attaveqarnerat arlalitsigut saqqumivoq. Taamaallaat sakkutooqarnera pinnagu. Attaveqarnermi nioqqutissat nutaat takkusuupput. Sorpassuupput, immussuarniit aserorteriviup assakaasuatut angitigisuniit paarnanut takusimanngisaannakkanut: appelsiinat iipilillu. Nunap iluani umiarsuarmik angallanneq annertussineqarpoq illoqarfiit nunaqarfiillu akornanni attaveqarnerit annertusineqarlutik. Pingaarluinnartutullu: paasineqarpoq Danmark allaffissornermik ingerlatsinngikkaluartoq nammineersinnaalluni. Allatigut periarfissaqarpoq.

Taamatut misilittagaqalerneq nammineq pilluni pissutsinut sunniuteqarnerunissamik piumasaqarfiulerpoq, tamannalu ullumikkut pissutsit isikkoqarnerannut pileriartuaarluni: Namminersorneq namminiilivikkusunnerlu.

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER