»Piaartumik nuannersunik nutaarsiassaqarnissaa neriuutigigaa«
Sumi inunngorsimaneq aallaavigalugu akissaasersuineq assuarisaq pillugu Kalaallit Nunaanni Politiit Peqatigiiffiata Christiansborgimut anngussiartorami qallunaat politikerii eqqaasippai – oqariartuuteqarput tigulluarneqaqaaq, siulittaasoq oqarpoq.
Kalaallit Nunaanni politiit najugaqavissut tikisitallu akornanni avissaartuuttoqannginnera Kalaallit Nunaanni Politiit Peqatigiiffianni siulittaasup naqissusissallugu pingaartippaa. Suleqatigiilluarput.
Aviisi AG taama allappoq.
- Sulisitsisulliuku, naalagaaffik, tikisitanut najugaqavissunullu assigiinngisitsinini suli aaqqiiviginngikkaa, Bjørn Bjerregaard AG-mut oqarpoq.
Assigiinngisitsineq aningaasarsianut tapinut, soraarnerussutisiassanut, sapaatip akunneranut akunnerit suliffiusunut qaangiuttoornermilu akigititanut tunngapput.
Bjørn Bjerregaard Folketingetimi ungasinngitsumi pulaarpoq saqqummiussiartorluni. Peqatigiiffiup aaqqitassatut isigisani, uani sanilliussani – oqaaseqarnissaminut allatat AG-p atuagai – maanna inissisimanermut tunngavoq, tassa qanga sumi inunngorsimaneq aallaavigalugu akissaasersueriaatsip aalajangersarneqarnera:
- Sumi inunngorsimaneq aallaavigalugu akissaasersuisarnerup Kalaallit Nunaannut suliartortitat Kalaallit Nunaanni inunngorsimasuniit aningaasarsiaqarnerusarneri 1964-p 1990-llu akornanni qulakkeerpaa. Malittarisassaq Kalaallit Nunaanni suliffeqarfinni uumigineqartorujussuuvoq. Taannalu Kalaallit Nunaanni politiinut suli atuuppoq, Bjørn Bjerregaard Kalaallit Nunaannut tunngasunut ataatsimiititaliamut saqqummiinermini oqarpoq.
Aviisimi AG-mi atuarnerusinnaavutit. Aviisi uani pissarsiariuk:
