Skip to main content

Peterp takorluugaa piviusunngortoq: Múte sianerpoq

Inuit Ataqatigiinnit Peter Olsen Kommune Qeqertalimmi borgmesterinngornani Naalakkersuisuni ilaasortanngorpoq.

Kommune Qeqertalimmi kommunalbestyrelsimut qinersinermi Peter Olsen (IA) 442-nit qinerneqarpoq, taaguunneqarnerpaalluni. Qinigaaffiup siuliani kommunimi borgmesteriusoq Ane Hansen 387-nit taaguunneqarluni, taamaattumik Peter Olsen borgmesterissatut piukkunneqarnerugaluarpoq. Maannali Ane Hansen borgmesteritut ingerlaqqittussanngorpoq.

Tassami Peter Olsenip Naalakkersuisunut ilaasortanngorpoq. Qinersisoqareersoq suli aalajangiusimanngilaq borgmesterinngussanerluni imaluunniit naalakkersuisunut ilaasortanngussanerluni. IA-p siulittaasuanit Múte Bourup Egedemit sianerfigineqareernermi kingorna Naalakkersuisunut ilaasortanngornissani aalajangerpaa.

- Siullermik oqaatigissavara uggoralugu marloqiusamik qinersisoqarnera. Taamatut pisoqarsimanngitsuuppat allatut aalajangersimasinnaagaluarpunga. Borgmesterinngornissarami aalajangersimasinnaagaluarpara. Kommune Qeqertalimmi suliat ernumaginngilakka, Peter Olsen Sermitsiaq.AG-mut oqarpoq. Kommunimut qinersisini aalajangiinera isumakkeerfigineqarnissani neriuutigaa.

Sinniisoq iserpoq

Ilinniartitaanissamut, kultureqarnermut, timersornermut ilageeqarnermullu naalakkersuisussatut Múte Bourup Egedemit innersuunneqarpoq.

- Piumassuseqarlunga nukissaqarluarlungalu malugaara. Taakkunani innuttaasut atugassarissaartinneqarluarnerunissaat pisariaqarpoq. Naalakkersuisuusimasut suliani taakkunani sulilluartareerput, maannali kultureqarnermut aningaasaateqarfeqalernissaata suliap naammassineqarnissaa sulissutigineqassaaq.

- Timersornermik aamma soqutigisaqarluartuuvunga. Tassunga aningaasaliisoqarnerunissaa Inatsisartuuninni piumasarisarpara. Tamanna sulineq ingerlaannassaaq. Kalaallit Nunaata 2030-mi aalanerulernissaanik GIF-ip suliniutaa aamma tapersersussavarput, oqarpoq.

Peter Olsen kommunalbestyrelsimit sulinngiffeqartussanngornera tunngavigalugu sinniisoq Bia A. Broberg kommunalbestyrelsimi ilaasortanngussaaq. Qeqertarsuarmit Bia A. Broberg qinersinermi 50-init taaguunneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER