Skip to main content

Peter Erik Thomsen kusanartumik naggammik inuulluaqquneqarpoq

Kommune Kujallermi upalungaarsimanermut pisortaq soraarninngorsimasoq, Peter Erik Thomsen, Qaqortumi arfininngormat ilineqarpoq.

Peter Erik Thomsen januaarip 17-ani toqukkut qimaguppoq, Qaqortumi arfininngormat timaa ilineqarpoq innuttaasorpassuarnit naggammik qaniorneqarluni.

Peter Erik Thomsen pisortani atorfilittut sulinini peqatigiiffilerinermilu timersornermik erinarsoqatigiinnilu Qaqortumi tunniusimalluni suleqataasimanini pillugu arlaleriarluni nersornaaserneqartarsimavoq.

Angutit erinarsoqatigiit Saqqaarsik

Ajoqi Atsa Tittussen naalagiartitsuuvoq, naalagiarnermi Peter Erik Thomsenip erinarsoqatigiit peqataaffigisimasai, Saqqaarsik, ilisinermi aallarniillutik.

Naalagiarnerup naggataani nipilersortartoq Mike Fencker Thomsen, Peter Erik Thomsenimik eqqaaniaalluni erinarsorpoq.

Peter Erik Thomsenip ukiorpassuarni atorfimminut atatillugu biilerisimasai, ilaqutaanit, qatserisartooqataanit aamma inuppassuarnit iliveqarfiliarnermi malinnaavigineqarpoq.

Eqqaaniaalluni oqalugiarnerit

Borgmesteriusimasoq Simon Simonsen aamma Inatsisartunut siulittaasuusimasoq Ruth Heilmann ilisinermi eqqaaniaallutik oqalugiarput.

Karl Poulsen qatserisartut sinnerlugit eqqaaniaavoq, naggataagut Peter Erik Thomsenip nulia, Pitsi Thomsen, eqqaaniaallutik. Erinaq 'Nuna Inuuffik' aamma erinarsorneqarpoq.

Qaqortup Katersortarfiani ilisineq naggaserneqarpoq, erinarsoqatigiittoqartarluni.

Peter Erik Thomsenimik ilisinermi assit qulaani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER