Persuttaasarnermik pinaveersaartitsinissaq pillugu isumasioqatigiittoqalersoq
Suiaassutsimut attuumasumik qanigisariinnilu persuttaasarneq pillugu Nunani Avannarlerni Killermersuut Nuummi isumasioqatigiissapput.
Aningaasaqarnermut Naligiissitaanermullu Naalakkersuisoqarfik suiaassutsimut attuumasumik qanigisariinnilu persuttaasarneq qulequtaralugu Nunat Avannarliit Killiineersut isumasioqatigiinnerannik ingerlatsissaaq.
Inuiaqatigiinni persuttaasarnermik pinaveersaartitsinissaq akiuiniarnissarlu siunertaralugu Nunat Avannarliit sammisaq pillugu paarlaateqatigiinnissaat, misilittakkaminnillu paarlaateqatigiinnissaat ilisimasanillu katersinissaat pingaarnertut siunertaavoq, isumasioqatigiinnerlu Nuummi Hotel Hans Egedemi maajip 31-ani ingerlanneqassalluni.
Ikiliartunngitsut
Inuiaqatigiinni persuttaasarnermik pinaveersaartitsinissaq akiuiniarnissarlu siunertaralugu Nunat Avannarliit sammisaq pillugu paarlaateqatigiinnissaat, misilittakkaminnillu paarlaateqatigiinnissaat ilisimasanillu katersinissaat pingaarnertut siunertaavoq.
- Suiaassutsimut attuumasumik qanigisariinnilu persuttaasarneq tarnikkut timikkullu ataasiakkaanut ajoqusiisarpoq. Peqatigisaanillu meeqqat angerlarsimaffimmi persuttaasarnermik isiginnaartuusartut aamma annertuumik ajoquserneqartarnerat, inuunermillu sinnerani toqqissisimannginnermik pigisaqalersarnerat ilisimavarput. Taamaammat nunani avannarlerni innuttaasunik katersuutsitsilluni isumasioqatigiittoqarnissaa qilanaaraara, taamaalilluta ataatsimoorluta persuttaasarnerup akiorneqarneranik misilittakkatsinnik avitseqatigiissinnaassagatta. Persuttaasarnerimmi amerlassusiisa ikiliartunnginnerat, akerlianillu ukiuni kingullerni marlussunni amerliartornerat tamatsinnut kanngunartuuvoq, naligiissitaanermut naalakkersuisoq Naaja H. Nathanielsen (IA) oqarpoq.
Fornyet handling
Isumasioqatigiinneq periarfissanik nutaanik ilisimasaqarnerulernissamillu, ilaatigut persuttaasarnerup akiorneqarnerani periusissanik pilersitsissaaq.
- Suliamut atatillugu ilisimasallit, katsorsaasartut persuttaasimasunik persuttarneqarsimasunillu attaveqartartut kiisalu aalajangiisartut politikkerillu qanigisariinni persuttaasarnermik ajornartorsiuteqarnermik nutaanik erseqqinnerusunillu paasisaqarnissaat siunertarineqarpoq. Suliap ingerlateqqinneqarnissaanut, oqallittoqarnissaanut nutaatullu iliuuseqartoqarnissaanut isumasioqatigiinneq tunngaviliissasoq neriuutigineqarpoq, naalakkersuisoq oqarpoq.