Skip to main content

Persutaasimasutut unnerluutigineqartut: Savimineq tilluut atorlugu annersaasimasut, tilluaasimasut isimmittaasimasullu

Angutit inuusuttut arfineq-marluk Nuummi unnuakkut savimineq tilluut atorlugu annersaasimasutut, tilluaasimasutut puiaasarlu aseqqukoq atorlugu annersaasimasutut eqqartuunneqarsimapput

Unnerluussisussaatitaasut aalajangiisinnaasuuppata angutit arfineq-marluk, tamarmik 20-t sinnerlugit ukiullit ataasiakkaarlutik isumaqatigiissuteqarnikkulluunniit ataatsimoortillugit persuttaasimasutut pineqaatissinneqassagaluarput.

Aviisi AG allappoq.

Angutit taakku arfine-marluk pingaartumik isimmittaasimasutut aamma niaqukkut timikkullu annersaasimasutut unnerluutigineqarput. Pisut ilaanni ima ingasatsigisumik annersaallutillu isimmittaasimapput, allaat persuttarneqartoq ilisimajunnaartissimallugu.

Persuttaasimanerni quliusuni angutit arfineq-marluk taakku ilaat sisamat unnerluutigineqarput.

Unnerluussisussaatitaasut aalajangiisinnaasuuppata, angutit inuusuttut taakku arfineq-marluk tamarmik pinerluuteqarsimasut inissiisarfiannut inissitassanngorlugit pineqaatissinneqassagaluarput.

Sakkortunerpaamik pineqaatissinneqarnissamut piumasaqaataavoq ukiumi ataatsimi qaammatinilu sisamani pinerluuteqarsimasut inissiisarfiannut inissinneqarnissaq. Unnerluussisussaatitaasoq naapertorlugu arfineq-marluusunit taakkunannga ataaseq unnerluunneqarnermi nalaani persuttaaqqissimavoq, taamaammallu unnerluussut sakkortusitinneqarpoq, pineqartullu pineqaatissinneqarsimasut inissiisarfianniiffissaa qaammammik ataasimik sivitsorlugu qaammatini aqqaneq -marlunni inissiisarfimmiisinneqarnissaa aalajangiunneqarluni.

Persuttaasimanerpassuit pillugit ilanngutassiaq tamaat atuaruk – AG-mut ugguuna isersinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER