Skip to main content

Permagreen nutaamik pisortartaartoq

Permagreenip pisortap tulia Jeppe B. Steffensen pisortatut atorfinitsissimavaa. Preben Kold suliffeqarfimmi ukiut 39-t matuma siorna ingeniøritut sulilersimasoq taarserlugu pisortanngortinneqarpoq.

Permagreenimi pilersaarutaasutut apriilip aallaqqaataani pisortamik taarsiisimaneq iluarisimaarneqarpoq. Siulersuisuini siulittaasoq Jens R. Lauridsen tusagassiorfinnut nalunaaruteqarneri ilisimatitsivoq.

Qullersat taamaalillutik tassaalerput pisortaaneq Jeppe B. Steffensen tunisassiornermilu pisortaq Jesper J. Petersen. Pisortaajunnaartoq Preben Kold atorfimmut pilersinneqaqqammersumut nuutsinneqarpoq, tassani Permagreenip tuniniaasarneranut ineriartortinneqarneranullu akisussaasuulerluni.

Pisortanngortoq Jeppe B. Steffensen, suliffeqarfimmi ukiup ataatsip matuma siorna pisortap tulliatut atorfinippoq.

- Qaammatit aqqaneq-marluk kingulliit ingerlaneranni Jeppep Permagreen ilikkarluarsimavaa, taamaammallu Preben Koldip tatigilluinnarlugu upperalugulu suliassat tassunga ingerlateqqippaa, siulersuisut nassuiaapput.

Pisortaajunnaartup sulisoriinnarnissaa nuannaarutigineqartoq

- Siulersuisut sinnerlugit Preben Permagreenimi sulilluarsimaneranut qujaffigerusuppara, minngerunngitsumik Permagreenip ullumikkut nalunngisatsitut inissisimalersimaneranik pilersitsisimanera pillugu. Siulersuisunit peqatigitillugu nuannaarutigineqarpoq, Permagreenip ukiuni tulliuttuni suli ineriartorteqqinneqarnissaanut Prebenip suli peqataaniarnera.

Jesper J. Petersen tunisassionermi pisortanngortoq, 2011-mili Kujataani Permagreenimut akisussaasuusimavoq. Kinguaariit nikisinneqarnissaannik pilersaaruteqarnermut atatillugu Jesper ilaquttanilu 2019-imi aggustusip qaammataani Nuummut nuupput. Jesper apriilip aallaqqaataani tunisassiornermi pisortanngorpoq.

-Taamatut nutaamik aaqqissuussinitsigut kinguaariit nikisinneqarnissaannik anguniagaq aallartilluarpoq, qularinngilarpullu Permagreenimi pitsaanerpaanik sulisoqalernikkut suliffeqarik siunissami ineriartortinneqarlunilu aqunneqalissasoq, siulersuisuni siulittaasoq Jens R. Lauridsen siulersuisut sinnerlugit oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER