Skip to main content

Periuseq nutaaq: Danmarkimi coronamik toqussuteqartut 24-nngorsimasut

Oqartussat coronavirusmik toqussuteqartut amerlassusaannik naatsorsuisarnertik allanngortippaa. 24-t tunillatsissimanerminnik ataasinngormat toqukkut qimagupput.

Ataasinngormat naatsorsueriaatsip nutaap takutippaa, Danmarkimi inuit 24-t coronavirusimik tunillanneqarsimanermik kingorna toqusimasut.

Sapaatip akunnerata naanerani kingullermik naatsorsuisoqarmat inuit 13-it coronavirusimik toqussuteqarsimapput, Statens Serum Institutilli toqusut amerlassusaannik naatsorsuisarnini allanngortissimavaa.

Taamaammat kisitsisit imminnut assersuunneqarsinnaanersut nalunarpoq.

Inuilli Covid-19-imik tunillatsissimanerminnit ullut 60-t qaangiunneranni qassit toqusimanersutut nalunaarutigineqarsimanerat suli atuuppoq. Covid-19 nappaataavoq coronavirusmit aallaavilik.

- Maannamut toqusimasut amerlassusaat CPR-nik nalunaarsuiffik tunngavigalugu naatsorsorneqartarput. Kisitsisillit martsip 23-aniit siunissamut Toqusimasunik nalunaarsuiffimmit tunngavigineqartalissapput, Peqqissutsimut Aqutsisoqarfik nittartakkamini allappoq.

- Toqusimasut qanoq amerlatigineri CPR-mik nalunaarsuiffimmit sukkanerusumik pissarsiarineqarsinnaapput. Taamaammat Toqusimasunik nalunaarsuiffimmit kisitsisinik saqqummiussisoqartalerneratigut, toqusimasut sapaatip akunnerata naanerani matumani naatsorsuinermut ilanngunneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER