Periarfissaq kingulleq: Angalanissamut billetsi akeqanngitsumik allanngortinneqarsinnaavoq
Killersuinerit nutaat pissutaallutik Atlantikoq qulaallugu Air Greenland aqqutigalugu angalanissat allanngortinneqarsinnaapput. Akeqanngitsumik allannguinissamut periarfissaq ullumimut killeqarpoq.
Annonse
Danmarkimut angalanissamut billetsimik allannguinissamik Air Greenland oktobarip aallaqqaataanit periarfissiinikuuvoq.
Billetsip akeqanngitsumik allanngortinneqarnissaanut periarfissaq ullumi piffissaq kingulliusoq Air Greenland Facebook-imi quppernermini allappoq.
- Periarfissaq Atlantikoq qulaallugu ataqatigiissumik angalanissanut atuuppoq, Air Greenland ilisimatitsivoq.
Atlantikoq qulaallugu billetsit akeqanngitsumik allanngortinneqarsinnaanerat periarfissiissutaavoq corona pillugu killersuinerit nutaat peqqutigalugit.
- Angalanissaq marts 2021 ilanngullugu allanngortinneqarsinnaavoq, timmisartuutileqatigiiffik ilisimatitsivoq.