Siumumi aaqqiagiinnginneq
Per Berthelsen politikkikkut oqaaseqartartuujunnaarpoq
Politikkikkut oqaaseqartartumik nutaamik Siumut toqqaaniartussanngorpoq
Siumup inatsisartuni gruppea politikkikkut oqaaseqartartumik nutaamik toqqaaniartussanngorpoq. Tamanna pissaaq Per Berthelsen kissaateqareersoq politikkikkut oqaaseqartartutut tunuarniarluni.
Atuaruk: Per Berthelsen Siumumi qaffariarpoq
- Politikkikkut oqaaseqartartutut tunuarniuteqarnikuuvunga tusagassiortarnerup equngatitsisarnerujussua peqqutigalugu oqaaseqartartuuneq toqqissisimanartinnagulu kajungeriunnaarakku, Per Berthelsen facebookimi ataasinngornermi ullaap tungaa allappoq.
Nunafondenip aningaasaqarniarneq pillugu oqallinnerup nalaani Per Berthelsen nalunaarpoq tusagassiutinut oqaaseqaqqinniarani oqariartuutinilu facebookimi quppernermini taamaallaat nalunaarutigisarniarlugit.
Nunafonden pillugu allaaserisat uani atuarsinnaavatit