Skip to main content

Peqquserluttoqarsimaneranik unnerluussut akerlilerpaa

Avaleraasartoortassanik makitsinermi ´pissutsit eqqumiilluinnarnerannik akuerineqarsinnaanngilluinnarnerannillu´ Hans Enoksenip oqarnera Aalisarnermut Piniarnermullu Naalakkersuisoqarfiup akerlilerpaa

Partii Naleqqap siulittaasua Hans Enoksen sakkortuunik oqaluppoq, ataasinngormat avaleraasartoortassiissutit arlallit agguataarneqarnerat, qanittukkut makitsinikkut pisoq, isornartorsioramiuk.

Kingullersanngorlugit

Partii Naleqqap siulittaasua naapertorlugu kalaallit aalisartut tunorlersanngortinneqarsimapput, pissutigalugu ´avaleraasartoortassanik makitsinermi pisunik eqqumiilluinnartunik akuerineqarsinnaanngilluinnartunillu´ pisoqarsimammat.

– Kalaallit aalisartunngortussat aalisartulluunniit, tamakkuninnga aalisarnermi peqataasut maanilu najugallit, pingaarnerutinneqartassapput, kalaallillu aalisartut najugaqavissut avaleraasartoortassanik pisassinneqareeraangata, aalisartut nunanit allamiut makitsinikkut pisassinneqartassapput, pisassiissutit sinneqassagaluarpata, Hans Enoksen tusagassiorfinnut nalunaarutikkut tikkuaavoq.

Kalaallinit pigineqarput

Selskabit, pisassiissuit tamarmiusut ilaminiinnannguisa makitsissutigineqarneranni, tamarmik ullumikkut Kalaallit Nunaanni angerlarsimaffeqarput.

Partii Naleqqallu itisilersorsinnaanngilaa ´kalaalliinik´ oqarami qanoq isumaqarnerluni, ilanngullugulu Hans Enoksenip oqaatigisinnaanngilaa makitsinermut atatillugu peqquserlussimanermut sunik uppernarsaatissaqarnersoq takussutissaqarnersorluunniit.

Akerliliivoq

Naalakkersuisoqarfiullu akerlilerpaa avaleraasartoortassanik makitsinermi peqquserluttoqarsimasoq, imaluunniit Hans Enoksenip oqarneratut ´eqqumiilluinnartunik akuerineqarsinnaanngilluinnartunillu pisoqarsimasoq´.

Malittarisassat malinneqarput

– Selskabit makitsinermi peqataasut aqqaneq-marluk, tamarmik kalaallinit pigineqarput. Makitsisoqartussaasimavoq ukioq manna avaleraasartoorniarnermi selskabit arfiniliinnaat peqataasinnaammata. Selskabit makitsinermi peqataassagunik 2016-imi januaarip aallaqqaataa sioqqullugu piersinneqarsimassapput, aammalu avaleraasartoorniarnerup saniatigut aalisarnermi ingerlatanik allanik ingerlatsereersimasuussallutik, Naalakkersuisut.gl naapertorlugu Aalisarnermut Piniarnermullu Naalakkersuisoqarfiup pisortaa Jørgen Isak Olsen erseqqissaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER