Peqquserluttoqarsimanera Kalaallit Illuutaannut kinguneqartitsisoq
Danmarkimi Socialstyrelsenimi sulisup 111 millionit koruuninik peqquserluuteqarsimaneranik suliap, Danmarkimi Kalaallit Illuutaannik eqquivoq.
Nalunaarutigineqanngitsumik satspuljemidlerinik taagorneqartut oktobarimi tunniunneqanngillat, tamatumalu Kalaallit Illuutaat Odensemi, Aarhusimi aamma Københavnimi eqqorpai.
250.00 koruunit tunniunneqanngitsut
Aarhusimi Kalaallit Illuutaannut millionit sisamararterutaat tunniunneqarsimanngillat, pisortaq Jørn Holbech Sermitsiaq.AG-mut ilisimatitsivoq.
- Pisoq pillugu tusagassiorfiit qanoq allaaserinninnersut soorunami malinnaaffigaarput. Kisianni aningaasat tunniunneqannginnissaannik paasitinneqannginnerput tupaallaatigaarput. Tamanna ileqqorissaarnerusimassagaluarpoq, pisortaq isumaqarpoq, taassuma qularutiginngilaa aningaasat kingusinnerusukkut tunniunneqassaqqaartut, Socialstyrelsenip suliani iluarseriarpagit.
Assigiinngitsumikeqquisoq
Aningaasanik tunniussuinerup unitsinneqarnerata Kalaallit Illuutaat assigiinngitsumik eqqorpai, tassani suliniutit suut tapiiffigineqarsimanerat apeqqutaammat.
Ujartuilluni suliniuteqarnikkut, kalaallit Danmarkimut tikeqqammersut, aningaasatigut eqqorneqarsimasut ikiorneqartussaapput.
Nalinginnaasumik aningaasat qaammammi arfernata qulingatalu akornanni tunniunneqartaraluarput.
Sulineq ilungersunartoq
Børne- og socialminister Mai Mercadop (K), peqquserlunneq pissutigalugu aqutsisoqarfiup tunniussinerit piffissami matugallartariaqarsimagai, Ritzauimut ilisimatitsissutigaa.
- Soorunami tamanna pitsaanerpaanngilaq, kisianni aqutsisoqarfik systemip ammarnissaanut ilungersorluni suliaqarpoq, taamaalilluni aningaasat qularnaatsumik nakkutigineqartumillu tunniunneqarsinnaaniassammata, Mai Mercado Ritzauimut oqarpoq.