Pitsaaliuinermut ullorititaq
Peqqissuseq aamma timersorneq sammineqassapput
Kommuneqarfik Sermersuup peqqinnartumik inooriaaseqarneq timimillu atuilluarneq qitiutillugit pitsaaliunermut ullorititami sammisaqartitsissutigissavai
Annonse
Pitsaaliuinerup ullua ukiut tamaasa aaqqissuussiffiusarpoq, ukiullu tamaasa sammisassat toqqakkat Kommuneqarfik Sermersuumit qitiutinneqartarput.
Maannakkut peqqinneq timimillu atuilluarneq qitiutinneqarput. Crossdance, meeqqanut zumba aamma springgymnastik misilissinnaavatit, aammalu nerisassanik peqqinnartunik ajornanngitsunnguanillu iganissat isumassarsiorfigisinnaavat.
Tamanna arfininngorpat pissaaq, kommuuni allappoq.
Pisussarpassuit
Ullup ingerlanerani Nuuk Gymnastikforening takutitsissapput, Anne Nivika Grødem peqqinnartunik ajornanngitsunillu nerisassiornissannut isumassarsiortitsissaaq aammalu ilaqutariinnut arpatsitsisoqassaaq.