Skip to main content

Peqqissartut angerlarsimaffiat: Kalaaliminernut aningaasaliissutit tamarmik atorneqartarput

Stine Egede (IA) Danmarkimi Kalaallit peqqissartut angerlarsimaffianni nakorsiat nerisinneqartarneri pillugit atukkanik § 37 naapertorlugu apeqquteqaamminut akissutisivoq.

Inuit Ataqatigiit Inatsisartunut ilaasortaatitaata, Stine Egedep, peqqissartut angerlarsimaffianni qallunaaminertortoqarnerusartoq tupigusuutigaa.

- Sivikitsumik najullatsiarneranni, arlalinnillu sivisuumik uninngasimasunik, kemortikkiartoqattaartunillu oqaloqateqarninni paasisakka annilaarutigaakka, taanna § 37 naapertorlugu apeqquteqarnermini tunngavilersuummi allappoq.

LÆS OGSÅ: Nakorsiartut kalaaliminertorsinnaalissapput

Kialuunniit inooqataaffigisinnaagai

- Nammineq takuakka nerisassat qallunaaminiinerusut. Tamannalu sivikitsumik kalaallip kialuunniit inooqataaffigisinnaavaa. Kisialli sivisunerusumik, pingaartumik peqqissipallakkusuttuni akuersaarneqarsinnaanngilaq.

Sivisunerusumik tassani nakorsiartilluni peqqissipallakkusullunilu kalaaliminertortoqannginnerusarnera akuersaarneqarsinnaanngitsoq, Stine Egede isumaqarpoq.

- Isikkui, tipai ilami allaat ilusaasa sungiussimasatta qamuuna nukissamik tunisarpaatigut. Taamaattumik isumaqarluinnarpunga kalaaliminertornerunikkut peqqissipallannerunissaq amerlanernit anguneqarsinnaasoq, politikeri tunngavilersuummini allappoq.

Aningaasaliissutit tamarmik atorneqartarput

Taamaattumik Kalaallit peqqissartut angalersimaffiata aningaasanut inatsisit aqqutigalugu kalaaliminernik pisinissamut aningaasaliissutit 400.000 koruunit taamaasa atortarneraat, Naalakkersuisunut apeqqutigaa.

- Napparsimasut nunatsinniit pisanik nerisaqarnissaat qulakkeerniarlugu aningaasaliissutit tamarmik siunertamut atorneqartarput, Martha Abelsen, Peqqissutsimut, Isumaginninnermut Inatsisinillu Atuutsitsinermut Naalakkersuisoq akissuteqarpoq.

Akissummi atuarneqarsinnaavoq, Nunatsinni pisat kissartut (neqit aalisakkallu) agguaqatigiissillugu sapaatip-akunneranut marloriaq pingasoriarluunniit sassaalliutigineqartarput. Taassuma saniatigut panertut qallersukkallu sapaatip akunneranut marloriaq sassaalliutigineqartarlutik.

Sulisut ilinniarsimasut

Stine Egedep aamma igasunik kalaaliminernik igasinnaasunik sulisoqarnersoq paaserusuppaa.

- Igaffimmi sulisut nerisassiortutut tamarmik ilinniagaqartut kalaaliminernik qallunaaminernillu tamatigoortunik, naleqqussakkanik allanngorartunillu nerisassiortarput, Naalakkersuisut taama akissuteqarput.

Kalaalimernit qerisuusarmata mamassusaat allatut mamaqarsinnaasarnerat ilisimatitsissutigineqarpoq.

- Najugaqartut  amerlanerit kalaaliminernik nutaanik sungiussisimasuupput, taamaattumillu najugaqartut  mamassutsimut pakatsisarsinnaallutik, akissummi tamanna atuarneqarsinnaavoq.

Nerisassat uanngaanneertarput

Kalaallit peqqissartut angerlarsimaffiat siornatigut Lilleholm A/S-imit aamma Neqimit pisisarsimavoq.

- Suleqatigiinneq tamanna 2018 naanerani unitsinneqarpoq, ilaatigut nerisassiat uumasunit pisunit Danmarkimut eqqussuunneqarneranut atatillugu annertuumik allaffissorneq pissutigalugu, ilaatigullu nioqqutissat amigartarneranut nunatsinni tuniniakkat pisisartunut naammattarnerat pissutigalugu.

Siunissami pisiassanik naammattunik qulakkeeriniarluni Nuummi Brugseni isumaqatigiissusiorfiginissaanut sulissutigineqarpoq.

Aalisakkat suluppaagaanerusut, qalerallit, nataarnat, kapisilik, kinguppaat, qaleruallit pujuukkat panertullu Royal Greenlandimit pisiarineqartarput. 

Toqoraanerup nalaani Narsami toqoraavik Neqi A/S uumasut nakorsaannik piffissaq tamaat nakkutigineqaannavittartoq, erseqqissaatigineqarpoq. Toqoraavillu maanna savaaqqat neqaat 43.835 kg kiisalu savat neqaat 11.500 kg tunineqarsinnaasut uninngasuutigineqartut.

Aningaasaleeqqinnissamut pilersaaruteqanngitsut

Naalakkersuisut maannangaaq inuussutissanik nunatsinneersunik amerlanerusunik aningaasaleqqinnissaminnut pilersaaruteqanngitsut, akissuteqaammi atuarneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER