Peqqissartut angerlarsimaffianni sulisoq tunillatsissimasoq
Københavnimi Peqqissartut angerlarsimaffiannut attuumassuteqartoq coronavirusimik tunillatsissimasoq paasineqarpoq. Peqqissarfimmi sulisoq sulinngiffeqarnermini tunillatsisimasoraluni misissortissimavoq, allanilli tunillatsittoqarsimanngitsoq naalakkersuisoqarfik ilisimatitsivoq.
Kalaallit Peqqissartut angerlarsimaffianni Københavnimiittumi sulisoq sapaatip akunnerani matumani ataasinngormat tunillatsissimasoq paasineqarpoq. Qujarnartumilli tunillatsissimasoq sulinngiffeqarnermini tunillatsissimavoq, taannalu misissortinnginnermini ullut arfineq-marluk sulinngiffeqareersimavoq. Sulisoq ippigisaqanngilaq.
Peqqissartut angerlarsimaffianni kingullermik tunillatsittoqarsimavoq apriilip qaammataani, taamanikkut napparsimasoq taassumalu ilaqutaa covid-19-imik tunillatsissimasut paasineqarmat Rigshospitalimi mattussimatinneqarsimapput.
Sulisoq sapaatip akunnerani matumani misissortissimasoq, misissortinnginnermini sapaatip akunnerani sulinngiffeqareersimagaluartoq, suleqatai eqqaaniissimasut misissortissimapput. Allanik tunillatsittoqarsimanngitsoq, Peqqissutsimut Naalakkersuisoqarfik Sermitsiaq.AG-mut ilisimatitsivoq.