Odense
Peqqissaasunngortoq misilittagassarsioqqaarniarpoq
Pilunnguaq Poulsen ukiut sisamaata affaani ilinniagaqareersimalluni peqqissaasutut naammassivoq
24-inik ukiulik Pilunnguaq Poulsen 2002-mi arni ilagalugu Qaqortumiit Danmarkimut nuuppoq. Taanna Odensemi University College Lillebælt-imi ukiut sisamaata affaani ilinniagaqareerluni peqqissaasutut naammassivoq.
Peqqissaasutut ilinniagaqarneq
Peqqissaasutut ilinnigaqarneq peqqissutsimik ilinniagaqarnermi bacheloritut ilinniagaqarnermik nangitsineruvoq. Ilinniagaqarnerup nalaani ilinniartoq qaammatini 14-ini praktikkertarpoq. PIlunnguaq Poulsen ilaatigut Odense Universitetshospitalimi Neurokigurgisk Afdelingimi praktikkersimavoq.
Nuanneqaaq
Pilunnguaq Poulsen tupaallannanngitsumik nuannaaqaaq, Sermitsiaq.AG-p Inuiattut Ullorsiornermi Nordatlantisk Husimi oqaloqatigimmani.
– Naammassinera naammagisimaaqaara. Angusara nuannaarutigeqaara, minnerunngitsumillu nuannaarutigaara suliffissarsereersimagama, Pilunnguaq Poulsen oqaluttuarpoq.
Danmarkimiiginnaqqaassaaq
– Piffissap ilaani immaqa Kalaallit Nunaannukarumaarpunga. Massakkuunngitsoq. Pingaartippara misilittakkanik katersinissara.
Pillunnguaq Poulsen Odense Universitetshospitalimi Neurokigurkisk Afdelingimut, ilinniagaqarnerminut atatillugu praktikkerfigisimasaminut utissaaq. Peqqissaasunngorlaaq Odensemi napparsimmavissuarmi tassani juulip aallaqqaataani sulilissaaq.
Ilisarnartoq
Pilunnguaq Poulsen Odensemi kalaallinit ilisimaneqarpoq. Kalaallit Thomas Kingos Kirkemi naalagiartarneranni Pilunnguaq Poulsen ukiorpassuanngulersuni isaatitsinermi anianermilu oqaluussisartuusimavoq.