Danmark

Peqqissaasoq sisamariarluni toqutseriarsimasutut ukiuni aqqaneq marlunni pineqaatissinneqartoq

Illoqarfimmi eqqartuussisoqarfimmi peqqissaasoq Nykøbing Falsterimeersoq inuunermi sinnera pineqaatissinneqarsimavoq. Pineqaatissiinerlu maanna ukiunut aqqaneq marlunnut sivikillisinneqarpoq.

Østre Landsretip peqqissaasoq Christina Hanseni Nykøbing Falsterip napparsimaviani uninngasunik sisamamik toqutseriarsimasutut ukiuni aqqaneq marlunni parnaarussassanngortippaa.

Unnerluussisup Karen Vistisenip, arnaq 32-nik ukiulik illoqarfimmi eqqartuussisoqarfimmi inuunerata sinnerani paarnaarussassanngortinneqarsimanera aalajangiusimaannarneqarnissaa piumasarisimavaa. Eqqartuussivilli taama iliorumasimanngilaq.

Eqqartuussummilli nangitseqqinneq landsrettimi suliamut allaannguuteqangaatsiarsimavoq.

Pingasunngornerulli ullaap tunigaani eqqartuusseqataasut isumaqatigiillutik aalajangerpaat, Christina Hanseni toqutsisimasutut pineqaatinneqarsinnaanngitsoq, taamaallaalli toqutseriarsimasutut pineqaatissinneqarsinnaasoq.

Tamanna peqqissaasup utoqqaat sanngiinnerusulli uninngasut annertuallaamik nakorsaatinik tuniorarneqarnermikkut toqutsigisimasinnaaneraat qularnaatsumik oqaatigineqarsinnaannginnera pissutigineqarpoq.

Powered by Labrador CMS