Peqqissaanermik Ilisimatusarfimmi pingasunngornermi juunip aqqarngani perngaammik ph.d.-iinngorniarluni illersuisoqarpoq. Steven Arnfjord taamaalilluni Ilisimatusarfimmi ph.d.-iinngortut arfinilissaraat.

Instituttip pisortaa Suzanne Møller nalunaarpoq. 

Ilisimatusaataa qulequtaqarpoq "Deltagende aktionsforskning med socialrådgivere - empowerment af Grønlands oversete velfærdsprofession".

Ilisimatusarnermi isumaginninnermi siunnersortit peqatigiiffiat NIISIP suleqatigalugu inuiaqatigiinni isumaginninnikkut unammilligassat sammineqarput.

Suliarineqartoq tassaavoq isumaginninnikkut siunnersortit qanoq peqatigiinnermikkut suliatik eqqarsaatigalugit nukittuumik ataqatigiiffeqalernermikkut inuiaqatigiinni sanngiinnerpaat sinnerlugit oqaaseqartartuusinnaasut, soorlu isumaginnermik politikki pillugu oqallissutaasut eqqarsaatigalugit.

- Naliliinermi ataatsimiititaliap oqaaseqaateqarluni nalunaarutigaa pineqartoq tassaasoq nunatsinni ilisimatusarnikkut inuiaqatigiinnut iluaqutissiiniarnermut ajornartorsiutinillu iluarsiiniarnermut imaannaanngitsumik ilapittuutaasoq, Suzanne Møller nassuiaavoq.

Naliliiniarnermi ataatsimiititaliamiipput professor Torunn Hamran, Tromsømi Universitetimeersoq, professor Peter Berliner Aarhus Universitetimeersoq aamma professor Jan Kampmann Roskilde Universitetimeersoq. 

Ph.d.-iinngorniuteqarnermi siunnersortaavoq professor Lise Hounsgaard Syddansk Universitetip Peqqissaanermik Ilisimatusarfianeersoq.

Suliniummut aningaasalersuisuupput Kalaallit Nunaanni Ilisimatusarluni Misissuisarnerit pillugit Ataatsimiititaliarsuaq aamma Namminersorlutik Oqartussat ilisimatusaatit pillugit aningaasaateqarfia.

Assit ataani takukkit