Peqqinnissaqarfimmi qarasaasiat qamittoortut

Nakorsap oqarasuaataa atorsinnaanngikkallarpoq

Qarasaasiatigut ajutoorneq pissutigalugu maanna peqqinnissaqarfimmut sianertoqarsinnaananilu mailikkut allattoqarsinnaanngikkallarpoq. Nittartagaq peqqik.gl aamma ajutooqqavoq.

Ambulancenut oqarasuaat taamaallaat sianerfigineqarsinnaavoq.

Taamaammat inuit nakorsap oqarasuaataanut saaffiginnittut aqagumut utaqqisariaqassapput, peqqinnissaqarfik nalunaaruteqarpoq.

Inuit peqqinnissaqarfimmut attaveqarniaraluarsimasut qinnuigineqarput kingusinnerusukkut misileeqqullugit.

Pinasuartoqartillugu ambulancet oqarasuaataat 344112 sianerfigineqarsinnaavoq.

Qamittoorneup kingunerisaanik journalit iserfigineqarsinnaanngikkallarput.

Ajornartorsiut qaqugu aaqqinneqassanersoq suli qularnarpoq, teknikerilli ulapputigaat.

Powered by Labrador CMS