Skip to main content

Peqqinnissaqarfimmi IT russinit suliaasoq: Anna W-p kinguneqaataasinnaasut nassuiaqqugai

Inatsisartuni ilaasortap Anna Wangenheimip paaserusuppaa, peqqinnissaqarfiup IT-mik atuinera russinit atassuteqartinneqartoq sunik ulorianartorsiortitsisinnaanersoq aamma russit Peqqinnissaqarfiup internetsikkut atortorissaarutaanut killilersuilissagaluarpata Naalakkersuisut tamatumunnga piareersimanersut.

Peqqinnissaqarfiup IT-systemia russinit suliaavoq.

Taamaammat Demokraatineersup Anna Wangenheimip paaserusuppaa, Ukrainep Ruslandillu sorsuunnerisa nunami maani innuttaasut peqqinnissaqarfimmit kiffartuuneqarnerisa annertuumik kalluarneqarsinnaanera pinngitsoortinniarlugu iliuuseqartoqarniarnersoq.

- Kalaallit Nunaanni Peqqinnissaqarfiup tenologi atorsinnaanngikkuniuk amerlasoorpassuartigut suliami pingaarnerit suliarinissaannut ajornakusoortitsissaaq.

Anna Wangenheimip § 37 naapertorlugu apeqqutaani, suliffeqarfiit pingasut IT-mut atorneqartumut akisussaasuupput. Nunatsinni Inu:IT, Fujitsu kiisalu russeq internetsimut atassusiisartoq.

Peqqinnissaqarfik maannakkorpiaq ullut pingajussaanni internetsikkut attavigineqarsinnaanngilaq, tamatuma ilaatigut malitsigisaanik innuttaasut doktor.gl-imut saaffiginnissinnaanatik, sunali ajornartorsiutaanersoq nalunaarutigineqarsimanngilaq imaluunniit russimut internetsikkut atassusiisartumut tamanna attuumassuteqarnersoq nalunaarutigineqarsimanani.

Sermitsiaq.AG-mit Peqqinnissaqarfimmi aqutsisut IT-kkut atortorissaarutip russinit tunniunneqarsimasoq pillugu aperineqarsimapput, sulili akissutisisoqanngilaq.  

Sillimmateqarnissamik pilersaaruteqartoqarpa 

Anna Wangenheimip paaserusuppaa, peqqinnissaqarfiup IT-systemia tunngaviusoq atassusiisartuilu, russiusut, Ruslandimi najugaqartut Naalakkersuisunit ilisimaneqarnersoq aamma nunarsuarmiut Ruslandimut pillaatitut iliuuseqarnerannut Ruslandip akerliliilluni kalaallit atorfilittaannut arlalinnut pillaateqarluni iliuuseqarnerani suut ulorianartorsiutaasinnaanersut.

- Peqqinnissaqarfimmut suut kingunerusinnaappat, Fujitsu aamma russit naalakkersuisui, Kalaallit Nunaanni Peqqinnissaqarfiup internetsikkut atortorissaarutaannut killilersuilissagaluarpata?, tamanna Anna Wangenheimip akissutissarserusuppaa.

Anna Wangenheimip apeqqutigisaminut tunngavilersuilluni oqaatigaa, Ruslandip Ukrainimut sorsulernera nunarsuarmut tamarmut sunniuteqartorujussuusoq, nunatsinnullu aamma kinguneqarluni.

- Tamanna tunngavigalugu soqutigaara paasissallugu, Ruslandip Kalaallit Nunaanni suliai Kalaallit Nunaata isumannaatsuunissaanut ajoqutaariataarsinnaanersut (…) Innuttaasut peqqinnissaqarfimmit kiffartuuneqarnerat annertuumik kalluarneqarsinnaavoq, sulinermi sakkussat marlussuinnaat allamut attuumassuteqaratik ingerlammata russillu tunniuttagaasa avataaniillutik.

Pillaatitut iliuuseqartoqartoq aappaatigullu suleqatiginnilluni

Taamaammat paaserusuppaa, innuttaasut napparsimasullu ikiorserniarlugit nutaamik allamilluunniit pilersitsinissamut piareersartoqarsimanersoq, ajornerpaamik pisoqassagaluarpat, russit akiniaallutik killilersuissagaluarpata.

Kalaallit Nunaat nunat kitaamiut assigalugit arlalitsigut Ruslandimut pillaatitut iliuuseqarniarpoq. Erik Jensenillu qanittukkut Kalaallit Nunaanni suliffeqarfinnut kaammattuutigaa, Ruslandimi suliaqarnerminnik Ruslandimillu suleqateqarnerminnik unitsitseqqullugit. Ruslandi tamatumunnga akerliilluni, kalaallit pingasut Ruslandimut iseqqujunnaarpai.

 - Naalakkersuisut suliffeqarfinnut piumasaqarnerup saniatigut russit nunami maani suliaqartinneqarnerat isummerfigisariaqarpaat, suliaqarnerammi ernumanarluinnarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER