Skip to main content

Peqqinnissaqarfik utoqqarnit amerlanerusunit tatineqassaaq

Inuit 65-it sinnerlugit ukiullit 2040-mi ullumikkornit 3.400-nik amerlanerussapput. Utoqqaat amerlanerusut peqqinnissaqarfik tatisimalissavaat, utoqqaallu amerlasuut passunneqarnissaannut aningaasassaqarniarluni aaqqissuusseqqittoqartariaqarpoq.

Peqqinnissaqarfimmut aningaasartuutit 2035-p missaanit nioqqutissat tamakkerlugit nalingisa 7,5 procentinit 8,5 aamma 9 procentiisa akornannut qaffariassasoq, Aningaasaqarnermut Siunnersuisoqatigiit oqaatigaat.

- Ilutigalugu peqqinnissaqarfimmi nikerartoqartarpoq, ullumikkumummi sanilliullugu utoqqaanerit suliaritinnissamut annertunerusumik pisariaqartitsissammata. Assersuutigalugu tamatumani pineqarput nappaatit aak qaffasippallaaraangat, slidgigteqarnermi, grå stæreqarnermi aamma diabeteseqarnermi pilersartut. Ullumikkut peqqissutsimut ataatsimut aningaasartuutaasartut 20 procentii missaanniittut 65-it sinnerlugit ukiulinnut atorneqartarput. Tamanna utoqqaat amerliartorneranni 40 procentit missaannut qaffassimassaaq, naak peqqissumik utoqqaliartornissaq sunniuteqartussatut ilimagineqaraluartoq, Aningaasaqarnermut Siunnersuisoqatigiit ilisimatitsipput.

Aningaasaqarnermut Siunnersuisoqatigiit

- Siunissami peqqissutsikkut suliaqarfinni aningaasartuutitigut tatineqarneq innuttaasut utoqqaanerulersarnerannik aamma innuttaasut peqqissusiisa ineriartornerannik qanimut pissuteqarpoq. Sivisunerusumik inuusalerneq ilutigalugu assersuutigalugu utoqqaat akornanni peqqissuseq pitsaanerulersinneqanngippat peqqinnissaqarfimmi pisortallu aningaasartuutaannut atatillugu annertuneroqisumik tatineqarnissaq naatsorsuutigisariaqarpoq, Aningaasaqarnermut Siunnersuisoqatigiit taama naqissuseeqqipput, Attassinissamut Siuariartortitsinissamullu pilersaarummut 2016-imeersumut taakku innersuussipput, taanna aalajangersimasunik aamma iliuusissanik pisariaqartunik saqqummiivoq.

Paarlattaasut aaqqiissutissaanngillat

Peqqinnissaqarfimmi sulisunik amigaateqarneq paarlattaasunik atorfinitsitsinerinnakkut iluarsineqarsinnaanngilaq, Aningaasaqarnermut Siunnersuisoqatigiit taama naqissusiipput.

- Inuusuttut immikkut ittumik aammalu tunngaviunerusumik peqqinnissatigut ilinniagaqalersinnissaat ilinniartitaanikkut suliassaavoq immikkuullarissoq, siunnersuisoqatigiit naqissusiipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER