Peqqinnissaqarfik tuniluuuttoqarmat pulartunik killilersuisoq
Peqqinnissaqarfimmi uninngasut sulisullu akornanni Covid-19-imik tunillatsissimasut amerliartorput. Peqqinnissaqarfimmit taamaammat pulaartunik killilersuisoqalerpoq.
Pulaartut Covid-19-imut qanorluunniit annikitsigisunik ersiuteqartut peqqinnissaqarfimmeeqqusaanngillat.
Peqqinnissaqarfimmit nittartakkakkut taamatut allapput.
- Pulaartut covid-19-imut qanorluunniit annikitsigisunik ersiuteqartut: quersortut, nuattut, kissarneqalaartut, nalinginnaasumik peqqiilliortut il.il. Peqqinnissaqarfimmi napparsimmavinneeqqusaanatillu peqqissaavinneeqqusaanngillat tamatumalu eqqaaneeqqusaanatik, peqqinnissaqarfimmit allapput.
Pulaartunik killilersuineq pingasunngornermi aggustip pingajuani aallartinneqarpoq, peqqinnissaqarfimmiillu allamik nalunaaruteqartoqarnissaata tungaanut atuutissalluni.
Tunillatsissimasut amerliartortut
Uninngasut sulisullu akornanni coronavirusimik tunillatsittut amerliartornerat maassakorpiaq Peqqinnissaqarfimmit misigineqarpoq.
Peqqinnissaqarfimmit qanigisaasunut kaammattuutigineqarpoq, pulaartarnerminnik killilersueqqullugit pulaarttullu ikilisaqqullugit.
Peqqinnissaqarfimmit pulaartunik killilersuineq kingulleq pivoq maajip aallartinnerani, killilersuineq tassani qaammatip ataatsip missaanik sivisussuseqarsimalluni.