Peqqinnissaqarfik fast-track pillugu isumaqatigiissuteqartoq
Peqqinnissaqarfiup sukkanerungaartumik sulisussarsiortarnissaanik qulakkeerinnittumik Namminersorlutik Oqartussat fast-track pillugu Danmarkimi oqartussanik isumaqatigiissuteqarsimapput.
Nal. 14.22 iluarsineqarpot. Siusinnerusukkut allappugut Jess Svane Inuussutissarsiornermut Naalakkersuisuusoq. Suliffeqarnermut Naalakkersuisumut iluarsineqarpoq
Fast-track pillugu isumaqatigiissut februaarip aqqarnaniit atuutilerpoq, peqqinnissaqarfimmilu inunnut sulialinnut, atuuttuusumik piginnaatitaasunut immikkut ittumik aaqqiissutaasussaalluni, Suliffeqarnermut Naalakkersuisoq tusagassiorfinnut nalunaaruteqarnermi oqarpoq.
- Peqqinnissaqarfimmi inuit suliaqartut pineqartut taakku Namminersorlutik Oqartussani taakkununnga suliarisat tusarniaassutigeqqaarnagit piumasaqaataasut aamma piviusunngortissimatillugit najugaqarnissamut sulinissamullu akuersissummik nalunaaruteqarfiginissaat aaqqiissutip nassataraa, Jess Svane ilisimatitsivoq.
Isumaqatigiissummut ilaasutut atorfinitsitaanissamut isumaqatigiissutip annertuutut aningaasarsiaqarnermi atorfinitsitaanermilu atugassarisat pissutsit immikkut ittut malillugit pisuunissaat piumasaqaataavoq mmik malittarinninnerat matumuunakkut tunngaviliussaavoq.
Nalilersorneqartuartassasoq
Naalakkersuisunit naatsorsuutigineqarpoq, Danmarkimi Udlændinge-og integrationsministereqarfimmik isumaqatiginninniarsimanerup nassataanik isumaqatigiissut atuutsinneqalermat peqqinnissatigut sulialinnik sukkanerujussuarmik Kalaallit Nunaannukartitsisoqartalissasoq.
Pisariaqartitsinerit malillugit isumaqatigiissut nalilersorneqartassaaq aammalu allannguutissatut pisariaqartuusinnaasut suliarineqartassallutik, nalunaarummi allassimavoq.
Suliffeqarfinnut allanut atatillugit fast-trackip atuutsinneqalersinnaanera suli isumaqatiginninniutigineqartoq ilisimatitsissutigineqarpoq.