Skip to main content

Peqqinnissaq pillugu ilisimatusartut Nuummiittut

Peqqinnissaqarfimmut tunngatillugu issittumi ilisimatusarnerit kingulliit oqaluuseriniarlugit inuit 300-t Nuummiipput

Ilisimatusartut, peqqinnissakkut sullissisut allallu kalaallit Nunaanni peqqinnissamut tunngasunik soqutigisallit, ulluni makkunani peqqinnissaq pillugu ataatsimeersuarnissamut NUNA MED 2016-imut peqataaniarlutik Nuummi katersuupput. 

- Kalaallit Nunaanni peqqinnissaq pillugu ilisimatusarnermit paasisat nutaanerpaat pillugit inunnik 300-it pallingajallugit amerlassusilinnik katerisitsisinnaaneq, taamaalillunilu ilisimatusarnermi apeqqutit nutaat, ilinniagaqassuseq akimorlugu ataatsimoorluni oqallisigisinnaanngornerat naammagisimaaqaarput. Kalaallit Nunaanni peqqinnissaq pillugu ilisimatusarnermi suleqatigiinnissap siuarsarnissaa siunertaraarput, ataatsimeersuartitsinermi suliniuteqartut pingaarnerit ilaat Gert Mulvad taama oqarpoq. 

Atuaruk: Toqutsinerit imatut pinerusarput

Qarasaasiakkut nakorsiartitsineq
Peqqinnissaq pillugu ataatsimeersuarnerup NUNA MED 2016-ip qulequtaraa 'ineriartortitsinerup suleqatigiissutigineqarnissaa'. Sammisat ilaatigut makkuussapput: Issittumi peqqinneq, nappaatit tuniluuttut, nappaatit kingornuttakkat, sukkorneq, qarasaasiakkut nakorsiartitsineq, kræfti, atornerluineq, tarnikkut peqqissuseq allarpassuillu.

Arfininngorneq oktobarip aallaqqaataanni peqqissutsimut naalakkersuisup Doris Jakobsenip ataatsimeersuarneq Katuami ammassavaa. 

Atuaruk: Inuusuttut ilisimatuut peqqinnissaq pillugu ataatsimiinnissamut piareersartut

Tamatuma kingorna, ataatsimeersuarnerup ataasinngornermi oktobarip ulluisa pingajuanni ualikkut naammassineqarnissaata tungaanut pisussatut pilersaarutaasut annertuut, ulluni pingasuni ingerlanneqassapput. 

Ataatsimoorluni oqalugiaatit Katuami ingerlanneqassapput sammisaqarlunili ataatsimiinnerit Hotel Hans Egedemi ingerlanneqassallutik.

Aasaanerani pikkorissarneq
Ataatsimeersuarnermut tapiliullugu Ph.d-nngornianut aasaanerani pikkorissarnermik taallugu ingerlanneqartumi sammineqarpoq: ‘Ethics and research in small populations in a changing environment’.

NUNA MED qulequtsiullugu ataatsimeersuarnerit 1991-imiilli ukiut pingasut allortarlugit ingerlan-neqartarput. Aaqqissuisuupput: Grønlandsmedicinsk Selskab, Peqqissaasut Kattufiat, Kalaallit Nunaanni nakorsat peqatigiiffiat kiisalu Kalaallit Nunaanni Peqqissutsimik Ilisimatusarfik. 
 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER