Skip to main content

Peqatigiiffiup nutaap nunasiaajunnaartitsineq oqaluuserisassanngortinniarpaa

Peqatigiiffiup nutaap, NALIK Kalaallit Nunaata, novembarip tallimaanni pilersinneqartup Kalaallit Nunaata nunasiaajunnaarsinneqarnera ukkatariniarpaa.

Kalaallit Nunaata nunasiaatigineqarnera, nunasiaajunnaarnera tamakkualu kinguneri pillugit oqallinneq, aasaq Nuutoqqami Hans Egede eqqaassutissaata aserorteriffigineqarneranit aallartinneqartut suli naammassinngilaq.

Peqatigiiffik nutaaq, NALIK Kalaallit Nunaat, pilersinneqarpoq. Oqallinnernut pisariaqartunut oqalliffissamik pilersitsinissaq, peqatigiiffiup siunertaraa, ima oqariartuuteqarput:

- Politikkikkut isummat akimorlugit nunasiaataaneq aamma ingammik nunasiaataajunnaarneq pillugit aasaanerani oqallinnerit ingerlateqqinnissaannik kissaateqartugut amerlavugut. Taamaammat peqatigiiffik una pilersinniarlugu aalajangerpugut, ataatsimoorfigisatsinnik, peqatigiiffiup attaveqaataa, Aka Hansen, tusagassiuutinut nalunaarummi oqaluttuarpoq.

Peqatigiiffik novembarip tallimaanni pilersitsitsilluni ataatsimeersuarnermi pilersinneqarpoq.

Inuit oqaaseqartartuat

NALIK Kalaallit Nunaanni Inunnut oqaaseqartartuunissamik siunertaqarpoq, tusagassiuutinut nalunaarummi tamanna oqaatigineqarpoq.

Siulersuisunut ilaasortat ukuupput:

  • Vivi Vold
  • Paninnguaq Lind Jensen
  • Laura Lennert Jensen
  • Seqininnguaq Qitura L. Poulsen
  • Aka Hansen

- Peqatigiiffiup siunertaanut tapersersuisut tamarmik, peqatigiiffimmut ilanngunnissaminnut tikilluaqqusaapput. Nunasiaataajunnaarnissamik suliassami nukiit tamarmik atorfissaqartippagut, Aka Hansen oqaluttuarpoq.

Peqatigiiffik NALIK Danmarkimut 2018-imi pilersinneqartumut atavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER