Skip to main content

Peqatigiiffik ukiunik 25-nngortorsiortoq

Inuit tarnikkut nappaatillit/innarluutillit ilaqutaasalu peqatigiiffiat - Sugisaq - susassaqarfiup sammineqarnissaanik suliaqarnermi ukiunik 25-nngortorsiorpoq.

Kalaallit Nunaanni inuit 1000-inik amerlanerusut tarnimikkut nappaateqarput. Nappaatilli napparsimasoq kisiat eqqortanngilaa. Ilaqutaasut tamarmik aamma eqqorneqartarput, taakku ilaquttamik qisuariartarnerat qanoq isumagissanerlugu nalornissutigisarpaat, taamaammallu tarnikkut nappaateqarnermik ilisimasaqarluartunit ikorfartorneqarnissartik pisariaqartittarlugu.

Sugisaq tallimanngormat ukiunik 25-nngortorsiormat Nuummi innuttaasut Katuami kaffillerfigineqarput.

Peatigiiffimmik Sugisamik ingerlatsisut napparsimasut taakkulu ilaqutaat artorsarneranni ikiuunniarsarisarput, aamma peqatigiiffimmit inuiaqatigiinni pitsanngorsaataasinnaasut ukkataritinniarneqartarput.

Peqatigiiffimmit oqaatigineqarpoq, Peqqinnissaqarfiup kommunillu inunnut tarnikkut nappaailinnut, ilaqutaannut avatangiisaannullu neqeroorutigisartagaat qaffanneqartariaqartut.

Peqatigiiffimmit ilaatigut suliarineqartarput ulloq unnuarlu toqqaannartumik sianerfiusinnaasut, ilaqutaasut imminut ikiornissaannut suleqatigiittarneq, pitsaanerusunik ineqarnermi atugaqarnissaq aamma suliffimmik paarsisinnaanermi periarfissat.

Isummat allanngortinneqartariaqartut

Innarluutilinnut illersuisoqarfiup Tiliup innuttaasut innarluutilinnut tunngatillugit isumaannik 2020-mi novembarip qaammataani misissuisinerata takutippaa, innuttaasut inunnut tarnimikkut nappaatilinnut allaanerusumik isummertartut.

Sugisamit taamaammat oqaatigineqarpoq, isummanik allannguinissaq inuiaqatigiinni suliassaasoq.

- Tarnikkut nappaatit assigiinngitsut ilisimasaqarfigineqarnerulernerisigut isummertarnerup allanngortinneqarnissaa sulissutigineqassaaq, inuiaqatigiittut inuit taakku ataqqillugit pisalerniarutsigit aamma inuiaqatigiinni akuutinneqarnissaat qulakkeerniarutsigut, Sugisamit oqaatigineqarpoq.

Nuummi tallimanngormat kaffisortitsinermi oqalugiartuupput siulittaasoq Esekias Therkildsen, peqatigiiffimmi siulittaasooqqaarsimasoq Ane Jeremiassen aamma Sind-imi siulittaasoq Knud Kristensen. Kaffisortitsinerup saniatigut ataatsimut erinarsortoqarlunilu eqqumiitsuliortut Nina Kreutz Juaaka Lyberthilu aliikkusersuipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER