Inatsisartut ataatsimiittarfiat
Peqatigiiffik Nuummi Eqqaamasat taasititsineq nuannaarutigaat
Inatsisartut ataatsimiittarfissaat sumi inissisimassanersoq Kommuneqarfik Sermersuup tikkuussisumik taasititsinerata inernera Stephen Heilmannimit nuannaarutigineqarpoq
- Kommuneqarfik Sermersuumi bogmesterip (Asii Chemnitz Narup) Aqqaluup Aneerasaartarfiani Inatsisartunut ataatsimiittarfiliortoqannginnissa tamanut ammasumik naluunaarutigimmagu Peqatigiiffimmit Nuummit Eqqamasanit Nuummiut tamaasa qutsavigerusuppavut najoqqutassiisumik taasisitsinermi isumartik erseqqissumik nalunaarutigimmasssuk, borgmesteri oqartariaqalersillugu Aqqaluup Aneerasaartarfia eqqissisitaassasoq.
Peqatigiiffik Nuummi Eqqaamasani allatsi Stephen Heilmann Nuummeersoq Kommuneqarfik Sermersuumi tikkuussisumik taasisoqarnerani inernerit tusarliunneqareertorlu oqarpoq. Kommuneqarfik Sermersuumi borgmesterip Aqqaluup Aneerasaartarfiata eqqissisimatinneqarnissaanik aamma oqariartuutaa nuannaarutigineqarpoq.
Inatsisartut ataatsimiittarfissaat Nuutoqqami inissisimassanngitsoq annertuumik Nuummi innuttaasunit oqariartuutigineqarpoq. Inatsisartut siulittaasuata Lars-Emil Johansenip kissaatigikuugaluarpaa ataatsimiittarfik Aqqaluup Aneerasaartarfiani inissisimassasoq.
- Nuutoqaq isigaarput tassaasoq Tasersuarmiit Orsiviup Nuunnguata tungaanut, nunaminertallu taassuma tamarmi eqqissisinneqarnissaanut ilungersornitsinni anguniagarput tulliuttoq tassaavoq Hans Egedesvejimiit Orsiviup Nuunnguata tungaanut nunaminertap allanngortinneqannginnissaa, Innuttaasunit tamanit – aningaasaatiliinaanngitsunit – ullumikkutulli atorneqarsinnaajuaannaqqullugu, Stephen Heilmann oqarpoq.
Paasissutissat talerpiani takuneqarsinnaapput