Skip to main content

Peqatigiiffiit: Uranimik isumaqatigiissut isumannaatsuunngilaq

Uranimik tusarniaanerup uppernarsarpaa kalaallit qallunaallu avatangiisinik illersuiniaqatigiifiisa unaminik piiaanissamik isornartorsiuinerat tunngavissaqartoq, avatangiisinik illersuiniaqatigiiffiit arlallit isumaqarput

Folketingimi pingasunngormat Kujataani stoffinik radiop qinngornerinik ulorianartunik akulinnik piiaasinnaaneq pillugu tusarniaasoqarpoq.

Tusarniaaneq suliniutigineqarpoq Inuit Ataqatigiinneersumit Aaja Chemnitz Larsenimit.

Uranimut akuersaannginneq eqquteqqillugu

Peqatigiiffiit Avataq, Narsami Peqatigiiffik Urani Naamik, Nuuk Fjords Venner, Danmarkimi Det Økologiske Råd, Noah Freinds of the Earth Denmark kiisalu VedvarendeEnergi isumaqarput kalaallit qallunaallu avatangiisinik illersuiniaqatigiiffiisa uranimik piiaaffeqalernissaanik isornartorsiuinerat tusarniaanikkut uppernarsarneqartoq, tamannalu peqatigalugu isumaqarlutik tusarniaanerup erseqqissaraa pisariaqartoq uranimut akuersaannginnerup eqquteqqinneqarnissaa Kalaallit Nunaanni innuttaasunut taasissutigitinneqartariaqartoq.

– Tusarniaatitsineq suliniut pitsaasuuvoq, ajoraluartumilli politikerit amerlasuut immikkullu ilisimasallit qaaqquneqarsimasut, Kuannersuarni uranisiornermut atatillugu isumannaatsuunermut ajornartorsiutit isummerfigiumanngilaat, Kalaallit Nunaanni Pinngortitamik Avatangiisinillu Illersuiniaqatigiiffiup Avatap siulittaasua Mikkel Myrup, tusarniaanermi peqataasoq, tusagassiorfinnut nalunaarutikkut oqarpoq.

Misissuinerit amigaataapput

Tamanna peqatigalugu tikkuarpaa australiamiut aatsitassarsioqatigiiffianni Greenland Minerals and Energy Ltd.-mi, Kuannersuarni piiaaffimmik ingerlatsisussami, piginnittuunermut tunngasut isiginiarneqarsimanngitsut.

– Tamanna aamma pivoq ukiut marluk matuma siornatigut apeqqut tamanna Folketingimi Udenrigspolitiske Nævnimi Inatsisartunilu oqaluuserineqarmat. Kuannersuarni aatsitassanik suliniutip iternga tikillugu misissorneqarumannginnera pissutigalugu, uranimut isumaqatigiissutip nunarsuarmi isumannaatsuunermut malittarisassanik qaffasinnerpaanik malinninneranik oqartoqarnera uppernarpasinngitsorujussuuvoq, Avatap siulittaasua erseqqissaavoq.

Borgmesteri isornartorsiorpaa

Niels Henrik Hooge-p, Noah Freinds of the Earth Denmarkip Urangruppianeersup, Kommune Kujalliup borgmesteriata Jørgen Wæver Johansenip (S) tusarniaanermi oqaaseqaatai ´maluginiagassaalluartutut´ taavai.

– Jørgen Wæver Johansen oqarpoq qallunaat nunallu tamalaaneersut avatangiisinik illersuiniaqatigiiffiisa kalaallit avatangiisinik illersuiniaqatigiiffiinik suleqateqarnerat assuarnartuusoq, oqarlunilu ilaatigut kalaallit namminneq oqartussaaffiannut akuleruttut.

– Taamatut isumaqaqqajaasarput politikerit, suliniussuarnik killissanik qaangiisunik kinguneqaateqarsinnaasunik saqqummiussisut,  suliniutillu atomip nukinganut attuumassutillit amerlanerpaat taamaattuupput, Niels Henrik Hooge oqarpoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER