Skip to main content

Peqataagit: Suliami pingaarutilimmi suut ilisarnaataassanersut toqqaaqataagit

Naalagaaffiit Peqatigiit Meeqqat Pisinnaatitaaffii pillugit Isumaqatigiissutaat pilersinneqaramili novembarimi ukiunik 30-inngortorsiussaaq, ullormut tassunga tunngatillugu isumaqatigiissummi immikkoortut tamavimmik titartakkamik ilisarnaateqalersinneqassapput. Ilisarnaatit sorliit atulernissaat pillugu nunarsuarmi kikkut tamarmik, aamma Kalaallit Nunaanni meeqqat inersimasullu, taaseqataasinnaalerput.

Naalagaaffiit Peqatigiit Meeqqat Pisinnaatitaaffii pillugit Isumaqatigiissutaanni isumaqatigiissummi immikkoortut tamavimmik titartakkamik ilisarnaateqalersinneqassapput, innuttaasullu toqqaaqataasinnaapput suut ilisarnaatit atorneqassanersut.

Ilisarnaatit toqqarneqartut Unicef-p meeqqat pisinnaatitaaffii pillugit isumaqatigiissutip meeqqanut paasiuminarsarlugu suliaqarneranut atorneqassapput.

- Nunarsuaq tamakkerlugu meeqqat pisinnaatitaaffii pillugit suliniaqatigiiffiattut Unicefimi nuannaarutigaarput Kalaallit Nunaanni innuttaasut, minnerunngitsumik meeqqat, meeqqat pisinnaatitaaffii pillugit isumaqatigiissummi pisinnaatitaaffiit titartakkanik ilisarnaasersornissaannut taaseqataanissaannut peqataaqqusinnaagatsigit, Unicef Danmarkip Kalaallit Nunaanni suliniutinut pisortaa Sara Olsvig tusagassiutinut nalunaarummi oqarpoq.

Meeqqanut periarfissatsialak
Inuit suli amerlanerusut meeqqat pisinnaatitaaffii pillugit ilisimasaqarnerulernissaat eqqarsaatiginninnerunissaallu taasititsinerup aamma siunertarivaa. 

- Taasinermut kikkut tamarmik peqataasinnaapput. Meeqqalli amerlasuut taaseqataanissaat kissaatigaarput, taakkumi pisinnaatitaaffii pineqarmata taamaammat meeqqat taasitinnissaannut ikioqquvugut. Assersuutigalugu immikkoortoq 2: Naligiissitaaneq immikkoortinneqannginnissamullu illersorneqarnissaq qanoq ilisarnaateqassanersoq taaseqataaffigineqarsinnaavoq, Sara Olsvig oqarpoq. 

Ilisarnaatit suut atorneqassanersut uani taaseqataasinnaavutit

Taaseqataanissamut periarfissaq kingulleq tassaavoq juunip 14-at.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER