Skip to main content

Pentagon: Kina Issittumi Avannarlermi sakkutooqarfiliornissaminik pilersaarusiorpoq

Kina sakkutuulersuissalluni pilersaaruteqarpoq, nunarsuarlu tamakkerlugu nutaanik sakkutooqarfiliorusulluni - pilersaarutini Kalaallit Nunaat ilaavoq.

Kina nunarsuaq tamakkerlugu nutaanik sakkutooqarfiliornissaminik sakkutuulersuinissamillu pilersaaruteqarpoq – aamma Issittumi Avannarlermi. Amerikamiut nutaarsiassaqartitsiviat The Guardian taama allappoq. Kinap nunarsuaq tamakkerlugu attaveqaqatigiinnermut suliniutaa Belt and Road Initiative piviusunngoriartortillugu, suliniummik paarsisussanik sakkutuulersuissalluni Kina pilersaaruteqarpoq.

Kinap attaveqaqatigiinnermut suliniutaani siunertaavoq Kinap Afrikamut Europamullu toqqaannartumik attaveqalernissaa. Nunarsuup kitaani aqutsisut nunallu isertorlutik paasiniaasartui arlallit qangalili ernumagaat, suliniut taanna Kinap nunarsuarmi sillimaniarnikkut politikkimi sunniuteqarnerulernissaanik imaqartoq.

Issittoq Avannarleq immikkut immikkoortortaqartoq

Sermitsiaq.AG- Pentagonip ukiumoortumik nalunaarusiaa ima qulequtaqartoq: “Sakkutooqarnikkut sillimaniarnikkullu ineriartornerit Kinap ilaaffigisai” (“Military and Security Developments Involving the People’s Republic of China”) tigummivaa.

Pentagonip ukiumoortumik nalunaarusiaani Kinap Issittumi Avannarlermi sulerinera pillugu immikkut immikkoortortaqarpoq. Kina Issittumi Siunnersuisoqatigiinni nakkutilliisutut 2013-imi inissisimaleramili, Issittumi Avannarlermi suliani annertusartuarsimavai.

Kinap suliaasa kingulliit ilagaat Issittumi iliuusissatut pilersaarutaa, januaarimi saqqummersoq, tassani Kina Issittumi nunanut qanittuulluni imminut taavoq. 2017-imi Kina nunani siullersaalluni Norvestpassagekkoorluni umiarsuarmik ingerlaarpoq. Kingorna issittumi angalanissamut tulluarsakkamik, umiarsuarmik sikunik 1,5 miiterisut issutigisunik sequtserisinnaasumik umiarsualioqqippoq.

Qallunaanit ernummatigineqartoq

Nalunaarusiaq naapertorlugu Kinap Kalaallit Nunaannut soqutiginninnera pillugu Danmark ernummateqarluni oqariartorsimavoq. Kina Kalaallit Nunaanni ilisimatusarfissanik, satelleteqarfissanillu pilersitsiumalluni saaffiginnissimavoq, mittarfinnik nutarsaajumasimalluni aatsitassarsiorfinnullu aningaasaliiumasimalluni. Kinamiut akuerineqassagunik, Pentagon allappoq aamma naatsorsuutigineqartariaqartoq sakkutooqarfinnik pilersitsisoqarsinnaasoq.

- Inuinnaat ilisimatusarnerat issittumi sumiiffiup imartaani sakkutooqarnerup nukittunerulerneranik kinguneqarsinnaavoq, tamanna isumaqarpoq atominik qaartartunik saassussisoqannginnissaa qulakkeerniarluni imaatigut aqqartartunik nakkutilliisoqalersinnaanera, nalunaarusiami allassimavoq.

Nalunaarusiaq naapertorlugu Kina Pakistanimi nunanilu allani kinamiunut inussiarnersuni sakkutooqarfinnik ammaanissaminik pilersaaruteqarpoq.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER