Skip to main content

Pele: Sulerinerlutik naluaat!

Pele Brobergip Partii Naleqqamiit Naalakkersuisut nunap immikkoortuini arfineq pingasunik mittarfittaarusunnerat isornartorsiorpaa, taamaattorli piumasaralugu ullumikkut Dash 8-p miffigisinnaasai 1.199 meterinut tallineqarnissaat.

- Sulerinerlutik naluaat, 650 meterisut 799 meteritullu takitigisunik illoqarfinni arfineq pingasuni mittarfiliussangunik siunissami angallannermut tulluutinngilaq, Pele Broberg Naalakkersuisut pilersaarutaat pillugu AG-mut oqarpoq.

Taassumalli siunnersuutigaa siunissami mittarfiit sananeqassagaluarpata takissutsit assigiinnissaat.

- Mittarfiliortoqassappat siunnersuutigaara 1.199 meteriunissaat, ullumikkummi mittarfiit atorneqartut takissutsimikkut assigiinngippallaaqaat, takissutsit assigiit atorneqalerpata timmisartut assigiit atulersinnaavagut taamaalilluta inuiaqatigiinnut angallanneq pitsaanerusoq atulersinnaallutigu. Siunissami angallannerup aaqqissuussaanera qanoq ittuussanersoq uanga aalajangissagaluarukku Kangerlussuaq ullumikkutut ingerlaannassangaluarpoq, maannakkullu illoqarfiit mittarfillit 1.199 meterimut tallillugit, Naalakkersuisullu anguniagaat 650 meterit 799 meterillu piviusunngortinngitsoorlugit, Pele Broberg oqarpoq. 

- Nunap immikkoortuini (Uummannami, Qeqertarsuarmi, Qasigiannguani Kangaatsiami, Narsami, Nanortalimmilu) qulimiguullit nutaaliat 19-inik ilaasoqarsinnaasut atorneqarsinnaapput, taakkua mittarfiit 25 meterisut takitigisut minnissaminnut naammagaat 650 meteriunngitsut 799 meterilluunniit, Pele Broberg oqarpoq.

Taassuma ilanngullugu oqaatigaa maanna illoqarfinni nunaqarfinnilu mittarfinni 46-ruusuni 23-it qulimiguulinnit anginernit miffigineqarsinnaanngitsut, taamaalilluni aaqqiissuutissaq akikinnerpaaq tassaanerarpaa miffigineqarsinnaangitsut 23-it miffigineqarsinnaasunngortinnissaat ujaraaqqanik qallikkanik mittarfiliornerminngaanniit. 

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER