Skip to main content

Pele: Siumut nammineerluni saliisariaqarpoq

Partii Naleraq Ukiuunerani ataatsiminnermi Naalakkersuisunut tatiginninnginnermik taasititsisoqarniartutut isikkoqartup kinguneranik Kim Kielsen qinersisoqarnissaanik nalunaaruteqarsinnaammat, oqaluuserisassanik ilanngussinissamut pilersaaruteqanngilaq.

Kim Kielsenip ilisimatitsissutiginikuuaa ikinnerussuteqarluni naalakkersuisooqatigiinneq ingerlanniarlugu. Apeqqutaavorli naalakkersuisooqatigiit ikinnerulersimasut qanoq sivisutigisumik atuussinnaanersut.

Marlunngormat tusagassiortunik katersortitsinermi Siumumi siulittaasunngorlaap Erik Jensenip oqaatigaa, Kim Kielsenip alloriarneq tulleq suussanersoq aalajangertussanngoraa.

Marlunnik oqaqarluni oqaaseqartoqartartoq

Taamatut oqaaseqarnera illuatungiliuttuni politikkerit arlallit tupigusuutigaat, isumarlutillu Siumumi ima avissaartuuttoqartigisoq allaat marlunnik oqaqarluni oqaaseqartoqartartoq.

Ukiakkut ataatsimiittoqarnerani Partii Naleqqap tatiginninnginnermik arlaleriarluni taasititsiniartarluni Naalakkersuisut uppitinniartarsimagaluarpai. Partiimilli oqaatigineqaarpoq, Siumumi avissaartuuttoqarnera atorlugu tatiginninnginnermik taasititsisoqarnissaanik siunnersuuteqarniaratik.

- Suliat ajornartorsiutaasulipussuartut isigisavut pineqartillugit tatiginninnginnemik taasititsisoqarnissaa piumasarisinnaavarput. Tatiginninnerinnermilli taasititsineq aqqutigalugu Siumumut ikiuukkusunngilagut, taamaassapaami inupalaatut pissuseqassaagut, Pele Broberg Partii Naleraq sinnerlugu oqarpoq.

Neriorsorneqartarneq

Taassuma ilanngullugu oqaatigaa, qinersisitsisoqarnissaa qinersisitsisoqannginnissaaluunniit kisiat siunertaralugu oqaaluserisassamik siunnersuuteqartoqarpat, Demokraatit tatigisassaanavianngitsut.

- Misigisarsimavarput Siumumi ilaasortat tapersersoriarlut naggataatigut illuanut saattarnerat, Kim Kielsenimit arllaannik neriorsorneqarsimanertik pissutigalugu. Siumukkormiut akisussaassuqartuunertik takutittariaqarpaat qinersisoqarnissaanillu pisariaqartinneqartumik aalajangerlutik, Pele Broberg siulersuisuunerit nutaat inatsisartoqarnikkut malittarisasanik aamma partiip siunnerfia nutaaq malinneqassappat qanoq pisoqartariaqarneranik paasinnissimanngitsut isumaqartoq erseqqissaavoq. Ilaatigut aamma partii naalakkersuisooqatigiinnermit tunuaraangat, naalakkersuisooqatigiit isumaqatigiissutaat ingerlatiinnarneqarsinnaanersoq paasisimanngilaat. Siumummi aqutsisui nutaat ikinnerussuteqarluni naalakkersuisooqatigiinnissamut akuersaarpata, "siunnerfissaq nutaaq" pillugu isumaqatiginninniartoqarsinnaanngilaq, Pele Broberg oqarpoq.

Siumut nammineerluni saliisariaqartoq

- Siumumi pissutsit paatsiveqanngitsut Kalaallit Nunaanni politikkimut ajoqutaalluinnarput. Tassa partiip nammineerluni saliinissaq aallartittariaqarpaa, innuttaasut nalunaarutigineqartartunik tatiginnitsilerniarlugit, Partii Naleqqami politikkeri erseqqissaavoq. Peqatigitillugu Pele Brobergip erseqqissaassutigaa, ukiuni kingullerni naalakkersuisooqatigiittarsimanerit kingunerisaannik saliisoqarnissamik tamatumalu siammasissumik tunngaveqarnissaanik pisariaqartitsineq pillugu Siumut isumaqatiginninniutissatut saqqummiussimasaanut isumaqataalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER