Skip to main content

Pele: Siriusip Erfalasorput atussanngilaa

Kalaallit inuusuttortai aamma alapernaarsuisartunut Siriusikkunnut ilaatinneqartariaqanngillat, Pele Broberg isumaqarpoq

Nunarsuarmi maani pisorpassuit Pele Brobergip Partii Naleqqameersup aamma Søren Espersenip Dansk Folkepartiimeersup isumaqatigiissutigisarunanngilaat.

Ataaserli isumaqatigiissutigivaat: Taakkumi marluullutik isumaqarput, Erfalasorput alapernaarsuisartut Siriusikkut qamutaanni susassaqanngitsoq.

Nunanut allanut tunngasutigut Naalakkersuisup Ane Lone Baggerip (S) isumassarsiaq iluarinartikkaa, Partii Naleqqami politikkerip sakkortuumik isornartorsiorpaa.

- Erfalasorput qallunaat sakkutuuini sorsuutaanilu atugassiaanngilaq, Pele Facebookimini allappoq.

Bagger nersualaarisoq

Trine Bramsenip (Soc) Erfalasutta Dannebrogillu alapernaarsuisartut Siriusikkut qamutaanni sanileerillugit atorneqartarnissaannik nalunaaruteqarnera Ane Lone Baggerip ippassaq nersualaarpaa.

- Siunertaat pimoorunneqassappat erfalasorpullu atorneqartalissappat takutitsissaaq Sirius patrulje Kalaallit Nunaanni inuaqatigiinnut akuusoq. Qilanaaraara inuusuttortagut erfalasorput atorlugu Sirius patruljemi peqataasalernissaat, taanna oqarpoq.

- Inuusuttortavut Danmarkip sakkutooqarneranut attuumassuteqanngillat

Pele Brobergili (PN) isumaqarpoq, kalaallit inuusuttortai alapernaarsuisartunu Siriusikkunnut ilanngunniassanngitsut.

- Naalagaaffinngoruttaana uangut nunatta erfalasussaa, inuiaat Kalaallit erfalasuat. Tamanna qaquguluunniit pissangaluarpat erfalasorput Danmarkip sakkutooqarneranut attuumassuteqanngilaq, soorlu inuusuttortavut aamma tassunga attuumassuteqanngitsut!

Dansk Folkepartip Kalaallit Nunaannut tunngatillugu oqaaseqartartuata Søren Espersenip pilersaarutigineqartut isornartorsiorsimavai, Pele Brobergip tunngavilersuutaasa assiganik isumaqanngikkaluarluni.

- Tamanna atorsinnaanngilluinnarpoq. Kalaallimmi (Kalaallit Nunaat) sakkutooqarnermut tunngatillugu pisussaaffeqanngilluinnarput. Kalaallit Nunaat danskit nunanut allanut sillimaniarnermullu  politikkiannut tunngatillugu iliuuseqarpata tamanna immaqa oqaluuserisinnaavarput, taanna DR-mut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER