Skip to main content

Pelep nunanut allanut tunngasut akisussaaffigiunnaassavai

Naalakkersuisuni nikisitsinissaq sapaatip akunnerani aggersumi piviusunngortinneqartussanngorpoq. Nunanut allanut tunngasunut Naalakkersuisumik nutaamik ivertitsisoqassaaq. Sermitsiaq.AG-p paasissutissaatai naapertorlugit Pele Brobergip akisussaaffimmit peerneqarnissaanik tallimanngormat aalajangertoqarpoq.

Pele Broberg nunanut allanut tunngasunut Naalakkersuisut sinnerlugit oqaaseqaqqissanngilaq, taamaattorli inuussutissarsiornermut, niuernermut silallu pissusianut naalakkersuisutut issiaannassalluni. Paasisaqarfiit tutsuiginartut ilisimatitsipput tallimanngornermi taama aalajangertoqarsimasoq.

Pele Broberg naalagaaffeqatigiinnermut tunngatillugu ammasumik isornartorsiuisarsimavoq. Taamatullu namminiilivinnissaq pillugu taasisinnaanermut tunngatillugu piffissami kingullermi aamma oqaaseqarluni.

LÆS OGSÅ: Broberg: Inuit Inunnik tunuliaqutallit kisimik namminersulivinnissaq pillugu oqallinnermut peqataasariaqarput

Berlingskemut oqaaseqaatit, sapaatip akunnera kingulleq saqqummersut, IA-p Múte B. Egedellu naleqartitaanut ima killuutsigaat, allaat IA-p ataatsimeersuarnerata nalaani naalakkersuisut siulittaasuat Múte B. Egede avammut naqqiuteqartariaqalerluni.

- Nunatta namminiileriartorneruneranut sulinermi suleqatissagut, Namminersorneq Pillugu Inatsit tunngavigalugu tassaammata danskit naalakkersuisui, tamannalu naalakkersuisut siulittaasuata susassaqarfigaa, siulittaasumit ilaatigut oqaatigineqarpoq.

Meeqqanut naalakkersuisoq nutaaq

Naalakkersuisut nikisinneqarnissaat pillugu oqaluuserisassaq ukiakkut ataatsimiinnermi qaqugu ilanngutsinneqassanersoq suli nalunaarutigineqanngilaq.

LÆS OGSÅ: Múte Pelep nalunaarutaa pillugu: Naalakkersuisut taamatut isumaqanngillat

Tamannali isumaqarpoq ataasinngornermi imaluunniit marlunngornermi paasinarsissasoq kina nunanut allanut tunnngasunut akisussaaffimmik tigusissanersoq, aammalu kina meeqqanut ilaqutariinnullu naalakkersuisoqarfimmi issialerumaarnersoq. Eqaluk Høegh uippakajaarnermik sivitsortumik napparsimareerluni 27. august naalakkersuisutut tunuarpoq.

Sermitsiaq.AG-p paasisai malillugit imaassinnaasoq Naleraq meeqqanut, inuusuttunut ilaqutariinnullu naalakkersuisoqarfimmik tigusisoq, IA-llu nunanut allanut tunngasunut naalakkersuisoqarfik tigugaa.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER