Pele Broberg: Salloqittarneqarpugut

Partii Naleqqami naalakkersuinikkut nuimasoq nutaaq maanna Aningaasaqarnermut Akileraartarnermullu Naalakkersuisutut tunuartoq Pele Broberg sivikitsuararsuarmik naalakkersuisutut inissisimanermini misigisani pillugit mamiatsassimaqaaq, salloqittagaasimavugut, oqarpoq

Pele Broberg (PN) apriilip 24-ani 2018-imi Inatsisartunut qinersinermi siullermeertumik qinigassanngortittoq 208-nillu taaneqarluni Inatsisartunut isertoq ingammik qujamasuppoq Nunatsinni Naalakkersuisunut ilaasortaanini aqqutigalugu misilittagaqalersimanerminut, aammali naalakkersuinernik sulinermini misigisani annertuumik mamiatsaatigalugit.

- Naalakkersuinikkut anguniakkatta ingerlannissaannut periarfissaqarsimanngilagut. Misigisimavugulli tamatigut avaqqunniarneqartartugut, soorlu aamma takullutigu atorfinittat uagutsinnut naalakkersuinermik suliaqartunut naleqqiulluta qanoq pissaaneqartigalutillu pisinnaatitaaffeqartigisut. Atorfilittat pissaanerannut pisinnaatitaanerannullu Sermitsiamit Pele Broberg assersuusioqquarput:

- Kingullertut Kielsenip nammineq nassuerutigaa atorfilittat Kielsenip Løkkillu akornanni isumaqatigiissut allassimagaat. Kielsenip atorfilittat naalakkersuinikkut kissaatigisat suut najoqqutaralugit sulissanersut pillugu tunuliaquttaminit tapersersorneqarnissani qulakkeersimanngilaa. Pappialami ataasinngormat atsiukkamini suut allassimassanersut atorfilittanut aalajangigassanngortiinnarpaa.
Tamanna Kielsenip kisermaassisutupajaaq ingerlatsineranik oqaluttuarpoq, soorlu aamma takuneqarluni pissaaneq qanoq annertutigisoq atorfilittaminut ingerlateqqinneraa, Pele Broberg (PN) nassuiaavoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Powered by Labrador CMS