Pele Broberg Folketingimut qinigassanngortippoq
Folketingimut qinersinissamut Partii Naleqqap sassartitassani siulleq avammut nalunaarutigaa
Inatsisartunut ilaasortaq Pele Broberg Folketingimut qinigassanngortippoq. Juunip 17-ani folketingimut qinersisoqareersimassaaq, maannamullu suli qinersinissamik suaaruteqartoqanngilaq.
- Kalaallit Nunarput namminiusumik naalagaaffinngornissaa Folketing-ikkut pisussaammat, Namminersornerullu aqqani oqartussaaffiit akisussaaffigiligassagut Danmark akuerseqaartussaavoq. Tamanna Namminersulerattali ukiut qulinngoraa oqartussaassuseqarnerulernissarput alloriartinniarlugu piaartumik taakkua akisussaaffigilernissaat anguniassavarput, partii tusagassiutinut nalunaarummi allappoq.
- Nunarput oqartussaassuserpullu atorlugu isumaqatigiinninniarnermi nukittoqutigut atorneqanngitsut sakkugalugit pitsaanerusumik alloriartitsiniarpugut, nunaq nammineq Naalagaaffinngortoq anguniarlugu, partii tusagassiutinut nalunaarummi allappoq.
Partii Naleraq Folketingimut qinersinissamut allanik aamma sassartitaqarumaartoq ilisimatitsissutigineqarpoq. Sassartussat piffissaq alla avammut saqqummiunneqarumaarput.
Pele Broberg Inatsisartunut kingullermik qinersinermi 208-nit taaguunneqarpoq.