PCR atorlugu misissuinermi tunillatsissimasut nutaat 338-t paasineqartoq
Ulluni kingullerni marlunni tunillatsissimasut nutaat 338-t ataasinngornermi nalunaarsorneqarsimapput. Tunillatsissimasut Kommuneqarfik Sermersuumi amerlanerpaapput.
Annonse
Tunillatsissimasut amerlassusaat nun.gl-ikkut nutarterneqarsimapput, taamaattoq eqikkaanertaqanngitsumik, eqikkaaneq ullumi kingusinnerusukkut saqqummiunneqassaaq.
Ullormut kisitsisit takutippaat, ullut kingulliiit marluk ingerlaneranni tunillatsissimasut nutaat 338-usut.
Kommuneqarfik Sermersuumi 181-it, Avannaata Kommuniani 74-it, Kommuni Qeqertalimmi arfinillit, Kommuni Kujallermi 69-it Qeqqata Kommunianilu arfineq-pingasut.
Oqartussat januaarip 25-ani imigassanik aalakoornartortalinnik tunisaqarnissamut inerteqquteqarallarneq pillugu nalunaarut atorunnaarsinnagu killilersuutinik nutaanik allannguutinilluunniit nalunaaruteqartoqassasoq ilisimatitsissutiginikuuaat.