Skip to main content

Paviasen: VVM-imik nalunaarusiaq amigaateqarpallaarpoq

Urani Naamik siulittaasorisimasaata Mariane Paviasenip, Greenland Mineralsip Kuannersuarnut VVM-imik nalunaarusiamini sumiiffiup qinnuteqaatigineqartup 20 procentianik misissuisimanermik aallaaveqarsimagunarnera, ernummatigaa. Sinneruttummi 80 procentit, aperivoq.

IA-meersup Mimi Karlsenip napparsimalluni nalunaarneratigut Narsameersoq Mariane Paviasen Inatsisartuni inissamik tunineqarpoq, taannalu Urani Naamimut, Kujataata aatsitassarsiorfiunnginnissaanik suliniuteqartumut, siulittaasutut eqeersimaartorujussuusutut innuttaasunit ilisimaneqarpoq.

Aatsitassanut naalakkersuisoq, Jens Frederik Nielsen, septembarip qeqqani naalakkersuisunngortinneqaramili, paragraf 37 naapertorlugu apeqquterpassuarnik apeqquteqarfigineqarsimavoq.

Aviisi Sermitsiaq allappoq.

Mariane Paviasen Inatsisartunut ilaasortanngorami Urani Naamip siulittaasuatut tunuarpoq. Tamanna Facebookimi oktobarip 20-ani nalunaarutigaa.

– Kuannersuarni aatsitassarsiornissamik suliniummik ilisarititsineq, Greenland Minerals Ltd.-mit angallanneqartoq, ilaatigut apeqqutigisimavara. Taakkua paasissutissaataanni atuarneqarsinnaavoq, aatsitassarsioqatigiiffiup qinnuteqaatigineqartup taamaallaat 20 procentia misissuiffigisimagaa. Sinneruttummi 80 procentit? Eqqoriaanerinnarmik tunngaveqarpat? Qanoq ililluni innuttaasut eqqissisarneqassappat, aatsitassanut inatsisitsinni »best practice« aallaavigineqassasoq piumasaqaatigineqarmat, tamatumali peqatigisaanik VVM-imik nalunaarusiaq, sumiiffiup taamaallaat 20 procentianik tunngaveqartoq, tusarniaassutigineqarniarluni? Tamanna eqqumiigaara, Mariane Paviasen oqarpoq.

Jens-Frederik Nielsen akissuteqarluni allappoq, Mariane Paviasenip procentit innersuussutigisai suunersut ersarinngitsoq, ingerlatassanik suliaqarnerrni avatangiisinut sunniutaasussanik nalilersuineq (VVM) suliarineqareerpat aammalu tamatumunnga nassuiaat (VVM-imut nassuiaat) Naalakkersuisunit akuerineqareerpat, Kuannersuarni aatsitassarsiorfimmik suliaqarnissamut akuersissut aatsaat tunniunneqarsinnaasoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER