Pavia politiinit piffimmi kukkusumi ujarneqarsimavoq
Pavia Hammanip oqarasuaataanit GPS-ikkut paasissutissat takutippaat, ilimagineqartumit aqqut allaanerusoq ingerlaffigisimagaa. Taanna kingullermik Randersimi februaarip qulinganni kingullermik takuneqarpoq.
Pavia Hamman Randersimeersoq piffimmi kukkusumi manna tikillugu ujaarlertoqarsimavoq. TV Østjylland taama allappoq.
Mobilinut sakkortusaavinnit paasissutissat Randers Fjord kujammut nunakkut ingerlaarsimaneranik, politiit isumaqartippaat. Kisianni oqarasuaatip GPS-ianit paasissutissat eqqornerusut maanna takutippaat, akerlianik avannamut ingerlarsimsoq.
- Sakkortusaavinnit paasissutissanut tunngatillugu qularnartoqartuaannarpoq, piffiit annertoorujussuit attaveqartikkamikkit. Februaarip qulinganni angumminut sianerami sakkortusaavik atugaa kangerluup kujataaniippoq, kisianni maanna oqarasuaataani GPS aqqutigalugu takusinnaavarput, kangerluup avannaanut ingerlasimasoq, attavillu taanna eqqorneruvoq, Jannie Lundager, Østjyllands Politiineersoq TV2 Østjyllandimut oqarpoq.
Pavia Hamannip Randersimi napparsimmavik februaarip qulingata unnuaani qimakkamiulli takoqqinneqarnikuunngilaq, kingullermillu angunni unnuami tassani nalunaaqutaq 04.30 oqaluukkamiuk kingullermik tusarneqarpoq, tassanilu narsaamanermiinnerarpoq.
GPS-ikkut paasissutissap nutaap takutippaa, Pavia Hamann Randersimit avannamut kangimut nalunaaqutaq 01.45 ingerlasimasoq, kangerluup avannaatungaanut.