assammik arsarneq
PATHF-ip avinneqarnissaa GHF-imit ammaffigineqarpoq
Pan Amerikap assammik arsartartut kattuffiata avinneqarnera pissutaalluni Kalaallit Nunaat avannaata immikkoortortaani ilaasortanngussaaq
Pan Amerikap assammik arsartartut kattuffiata avinneqarnera pissutaalluni Kalaallit Nunaat avannaata immikkoortortaani ilaasortanngussaaq
Pan Amerikap assammik arsartartut kattuffiata marlunnut avinneqarsimanera nalunaarutigineqarsimasoq Kalaallit Nunaata Assammik Arsartartut Kattuffianni siulittaasup Jørgen Isak Olsenip Sermitsiaq.AG-mut uppernarsarpaa.
Avinnera ammaffigineqarpoq
- Kalaallit Nunaat avannaani immikkoortortami ilaasortaassasoq nalunaarutigineqarpoq. Aalajangiineq GHF-imit ammaffigineqarpoq, GHF-ip siulittaasua mailimik allappoq.
Avinneqarneranut suliaq suli ingerlanneqartoq ilisimatitsivoq. Qaqagu avinneq atuutilissanersoq taamaammat suli inissinngilaq.
- Kalaallit Nunaata VM-imut siunissami peqataasalernissaa qanoq isikkoqassanersoq suli oqaatigineqarsinnaanngikkallarpoq, Jørgen Isak Olsen oqarpoq.
Nunat anngukkajuttut
Pan Amerika-mi anngunniuttarnerit allanngortinneqassappata Kalaallit Nunaata Argentina Brasilialu annginniunnerni unammisarunnaassavaat.
Taakku ukiuni kingullerni amerlasuuni VM-imut annguttartuupput.
Pan Amerikamili aqutsisut aalajangiineq isumaqatiginngilaat. Nunarsuarmi assammik arsartartut kattuffiata siulittaasuat Hassan Moustafa aalajangiinermut pissaanermik atornerluisimasoq unnerluutigaat.
Pan Amerikami pissartanngorniunneq aalajangiinermut eqqorneqassanngilaq. Unammisaqattaarneq tullinnguuttoq Nuummi ingerlanneqassaaq juunimi.
- Siunissamut qanittumut isigalugu Kalaallit Nunaata VM-eqataanissaanut periarfissaat allanngunngillat, GHF-imi siulittaasoq oqarpoq.
Unammersuaarneq aasaru ingerlanneqartussaq nuanit aqqaneq-marlunnit peqataaffigineqassaaq. Kalaallit Nunaat ilanngullugu nunat tallimat PANAM2018-mi anngutereerput, apriilimi paasinarsissaaq nunat sorliit peqataassanersut.